ദുബായ്: ദുബായ് കിരീടാവകാശിയും യു എ ഇ ഉപപ്രധാനമന്ത്രിയും പ്രതിരോധ മന്ത്രിയും എക്സിക്യൂട്ടീവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാശിദ് അല് മക്തൂം തന്റെ ഔദാര്യം കൊണ്ട് ഒരിക്കല് കൂടി ഏവരെയും വിസ്മയിപ്പിച്ചു. അബൂദാബി കിരീടാവകാശി ശൈഖ് ഖാലിദ് ബിന് മുഹമ്മദ് ബിന് സായിദ് അല് നഹ്യാനോടൊപ്പം അദ്ദേഹം കഴിഞ്ഞ ദിവസം ദുബായ് മാളിലെ 'ലാ മൈസണ് ആനി' റെസ്റ്റോറന്റില് എത്തിയിരുന്നു.
ഇരുവരും ഒരുമിച്ച് മാളിലെത്തിയപ്പോള് ആളുകള് സന്തോഷം പ്രകടിപ്പിക്കുകയും വീഡിയോകള് ഷെയര് ചെയ്യുകയും ചെയ്തു. റസ്റ്റോറന്റില് ഭക്ഷണം കഴിച്ചു പുറത്തിറങ്ങിയ ശേഷമാണ് അവിടെയുണ്ടായിരുന്നവര് ശരിക്കും ഞെട്ടിയത്. എല്ലാവരുടെയും ബില് അടച്ചാണ് അദ്ദേഹം അവിടെ നിന്ന് പോയത്. ടിക് ടോക്കില് പങ്കുവെച്ച വീഡിയോയില് ഒരു ഉപയോക്താവ് ഏകദേശം 25,000 ദിര്ഹം മുതല് 30,000 ദിര്ഹം വരെ വരുന്ന ബില് തുക അദ്ദേഹം അട ച്ചുവെന്ന് പറയുന്നു.
Related News
