ജിദ്ദ: ജിദ്ദയില്‍ സംഗീത ആസ്വാദകര്‍ക്ക് അവിസ്മരണീയ രാവൊരുക്കാന്‍ അഡ്വാന്‍സ്ഡ് മീഡിയ വീണ്ടും. പ്രശസ്ത ഗായകരെ അണിനിരത്തി ഒരുക്കുന്ന രാഗലയയുടെ മൂന്നാം പതിപ്പ് ജൂലൈ 17 ന് ജിദ്ദ സീസണ്‍സ് റെസ്റ്റോറന്റിലായിരിക്കും നടക്കുക. പ്രശസ്ത ഗായകര്‍ക്കു പുറമെ, കുട്ടികളുടെ നൃത്തപരിപാടി ഇക്കുറി സവിശേഷതയായിരിക്കുമെന്ന് മീഡിയ ഡയറക്ടര്‍ അഷ്‌റഫ് അഴീക്കോട് അറിയിച്ചു. സീറ്റുകള്‍ പരിമിതമായതിനാല്‍ ജിദ്ദയിലെ സംഗീത ആസ്വാദകര്‍ മുന്‍കൂട്ടി ബുക്ക് ചെയ്യണം.

കഴിഞ്ഞ മാസം ഷറഫിയ ചെന്നൈ എക്‌സ്പ്രസ് ഓഡിറ്റോറിയത്തില്‍ ഒരുക്കിയ രാഗലയ രണ്ടാം വിരുന്ന് അവിസ്മരണീയമായിരുന്നു. ജിദ്ദയിലെ സാമൂഹിക, സംസ്‌കാരിക രംഗത്ത് പ്രവര്‍ത്തിക്കുന്ന വിവിധ സംഘടനകളുടെ നേതാക്കള്‍ അഡ്വാന്‍സ്ഡ് മീഡിയയുടെ കലാപരിപാടികള്‍ക്ക് പിന്തുണയുമായി രംഗത്തുണ്ട്.
ഇത്തരം പരിപാടികള്‍ പ്രവാസ ജീവിതത്തില്‍ എല്ലാവര്‍ക്കും കുളിര്‍ മഴയായാണ് അനുഭവപ്പെടുന്നത്. സംഗീതത്തിന്റെ മാന്ത്രികതയിലൂടെ സദസ്സിനെ നോസ്റ്റാള്‍ജിക് യാത്രയിലേക്ക് കൊണ്ടുപോകുന്നതായിരുന്നു ഓരോ ഗാനവും.

മൂന്നാം രാഗലയ പരിപാടിയും പ്രശസ്ത ഗായകരുടെ മനോഹര ഗാനങ്ങളുമായാണ് ആസ്വാദകരെ കാത്തിരിക്കുന്നത്. വര്‍ണാഭമായ LED പശ്ചാത്തലം അഡ്വാന്‍സ്ഡ് മീഡിയയുടെ സവിശേഷതയാണ്. മറക്കാനാവത്ത ദൃശ്യ,ശ്രാവ്യ അനുഭവമായിരിക്കും മൂന്നാം രാഗലയമെന്ന് സംഘാടകര്‍ പറഞ്ഞു. സിക്കന്തര്‍, അംജദ് ബെയ്ഗ്, റൈസ, ആയിശ, ഖമറുദ്ദീന്‍, നാസര്‍ മോങ്ങം തുടങ്ങിയവര്‍ സംബന്ധിക്കും. സീറ്റുകള്‍ ബുക്ക് ചെയ്യാന്‍ താഴെ കൊടുത്തിരിക്കുന്ന ഏതെങ്കിലും നമ്പറില്‍ ബന്ധപ്പെടാം. 0562634824, 0502792079, 0539112864, 0502563373.