റിയാദ് - റിയാദില് നടന്നുവരുന്ന വലിയ വനവല്ക്കരണ പദ്ധതികള് ജീവിതനിലവാരത്തിലും മനുഷ്യന്റെ ആരോഗ്യത്തിലും ഒരു യഥാര്ത്ഥ നിക്ഷേപമാണെന്ന് ഖസിം സര്വകലാശാലയിലെ മുന് കാലാവസ്ഥാ പ്രൊഫസറായ ഡോ. അബ്ദുള്ള അല്-മിസ്നദ്. ഈ പദ്ധതികള് നഗരങ്ങള്ക്ക് കാലാവസ്ഥാ വ്യതിയാനങ്ങളെ അതിജീവിക്കാനുള്ള ശേഷി വര്ദ്ധിപ്പിക്കുമെന്നും അദ്ദേഹം കൂട്ടിച്ചേര്ത്തു.
'ഒരു മരം ഒരു നഗരത്തെ മാറ്റിയേക്കില്ല, എന്നാല് ഒരു കൂട്ടം മരങ്ങള് അതിനെ പാരിസ്ഥിതികമായും ആരോഗ്യപരമായും സൗന്ദര്യപരമായും മാറ്റിമറിക്കും,' അല്-മിസ്നദ് തന്റെ എക്സ് അക്കൗണ്ടില് കുറിച്ചു.
നിലവില് റിയാദ് നഗരത്തില് നടന്നുവരുന്ന 'ഗ്രീന് റിയാദ്' പോലുള്ള വലിയ തോതിലുള്ള വനവല്ക്കരണ, ഹരിതവല്ക്കരണ പദ്ധതികള് പരിസ്ഥിതി മെച്ചപ്പെടുത്തുന്നതിനും പൊതുജനാരോഗ്യ നിലവാരം ഉയര്ത്തുന്നതിനും ജീവിതനിലവാരം വര്ദ്ധിപ്പിക്കുന്നതിനും ലക്ഷ്യമിട്ടുള്ള ദീര്ഘകാല പദ്ധതികള്ക്ക് ഒരു മാതൃകയാണെന്നും അദ്ദേഹം ചൂണ്ടിക്കാട്ടി.
'ഇത് മനുഷ്യന്റെ ആരോഗ്യത്തിലും കാലാവസ്ഥാ വ്യതിയാനങ്ങളെ അതിജീവിക്കാനുള്ള നഗരത്തിന്റെ കഴിവിന്മേലുള്ള ഒരു ദീര്ഘകാല നിക്ഷേപമാണെന്ന് അദ്ദേഹം പറഞ്ഞു. റിയാദിന്റെ ഭാവിക്ക് ഈ പദ്ധതികള് എത്രത്തോളം നിര്ണായകമാണെന്ന് ഇത് എടുത്തു കാണിക്കുന്നു.
Related News
