റിയാദ്: വിനോദ സഞ്ചാരികള്ക്ക് ഒറ്റ വിസയില് എല്ലാ ജിസിസി രാജ്യങ്ങളും സന്ദര്ശിക്കാനാവുന്ന ഗള്ഫ് വിസ പദ്ധതി ജിസിസി രാജ്യങ്ങളുടെ പാസ്പോര്ട്ട് ഡയറക്ടര് ജനറല്മാരുടെ 39-ാമത് യോഗം അവലോകനം ചെയ്തു. റിയാദിലെ ജനറല് സെക്രട്ടേറിയറ്റ് ആസ്ഥാനത്ത് നടന്ന യോഗത്തില് ഗള്ഫ് സഹകരണ കൗണ്സില് സെക്രട്ടറി ജനറല് ജാസിം അല്ബുദൈവി പങ്കെടുത്തു. ദ്രുതഗതിയിലുള്ള മാറ്റങ്ങള്ക്ക് വിധേയമായികൊണ്ടിരിക്കുന്ന സവിശേഷമായ ലോകത്ത് സാങ്കേതിക വികസനങ്ങളും സുരക്ഷാ ആവശ്യകതകളും പാലിക്കാന് എല്ലാവരും ഒത്തൊരുമിച്ചു പ്രവര്ത്തിക്കണമെന്ന് അല്ബുദൈവി പറഞ്ഞു.
ഏകീകൃത ടൂറിസ്റ്റ് വിസ പദ്ധതി ആരംഭിക്കാനുള്ള ശ്രമങ്ങള് പുരോഗമിക്കുകയാണ്. ജിസിസി രാജ്യങ്ങളിലെ ആഭ്യന്തര മന്ത്രാലയങ്ങളുടെ പാസ്പോര്ട്ട് വകുപ്പുകള് സംയുക്തമായാണ് ഇതിനാവശ്യമായ നടപടികള് സ്വീകരിച്ചു വരുന്നത്. സമീപ ഭാവിയില് തന്നെ ഇതു യാഥാര്ഥ്യമാക്കാനാവുമെന്നാണ് പ്രതീക്ഷയെന്ന് സംയുക്തി യോഗം വിലയിരുത്തി.
Related News
