കല്‍പറ്റ: വയനാട് ബത്തേരി സ്വദേശിയായ യുവാവിനെ ഇസ്രയേലില്‍ മരിച്ച നിലയില്‍ കണ്ടെത്തി. കെയര്‍ ഗിവറായി ജോലി ചെയ്തിരുന്ന കോളിയാടി സ്വദേശി ജിനേഷിനെയാണ് ജറുസലമിലെ മേനസരാത്ത് സീയോനില്‍ ജോലി ചെയ്യുന്ന വീട്ടില്‍ തൂങ്ങിമരിച്ച നിലയില്‍ കണ്ടെത്തിയത്.

ജോലി ചെയ്തിരുന്ന വീട്ടിലെ എണ്‍പതുകാരിയെ കുത്തേറ്റ് മരിച്ച നിലയിലും കണ്ടെത്തി. 80 കാരിയെ കുത്തിക്കൊലപ്പെടുത്തിയ ശേഷം ജിനേഷ് ആത്മഹത്യ ചെയ്തതാണെന്ന് സംശയിക്കുന്നു. ഒരു മാസം മുന്‍പ് ഇവരുടെ ഭര്‍ത്താവിനെ പരിചരിക്കാനാണ് ജിനേഷ് ഇസ്രയേലിലെത്തിയത്. ഇസ്രയേ പോലീസ് കേസെടുത്ത് അന്വേഷിച്ചുവരുന്നു.