കൊല്ലം: ന്യൂസിലാന്ഡില് ജോലി വാഗ്ദാനം ചെയ്തു ലക്ഷങ്ങളുടെ തട്ടിപ്പ് നടത്തിയ സംഘത്തിലെ യുവതി പിടിയില്. കല്ലട സ്വദേശി ചിഞ്ചു അനീഷിനെയാണ് അറസ്റ്റിലായത്. പുനലൂര് പോലീസ് എറണാകുളം പാലാരിവട്ടത്തുനിന്നുമാണ് ചിഞ്ചുവിനെ പിടികൂടിയത്. പുനലൂര് സ്വദേശിയുടെ പരാതിയിലാണ് നടപടി. ഒന്നാം പ്രതി ബിനിലിനെ നേരത്തെ അറസ്റ്റ് ചെയ്തിരുന്നു. രണ്ടും, മൂന്ന് പ്രതികള് ഒളിവിലാണ്. ഇവര്ക്കായി പൊലീസ് അന്വേഷണം ഊര്ജിതമാക്കി.
പുനലൂര് കറവൂര് സ്വദേശി നിഷാദില് നിന്നാണ് ജോലി വാഗ്ദാനം നല്കി നാലംഗ സംഘം ലക്ഷങ്ങള് തട്ടി എടുത്തത്. മാസം രണ്ട് ലക്ഷം ശമ്പളം ലഭിക്കുന്ന ജോലിയാണ് ഉറപ്പ് നല്കിയത്. പല തവണയായി 11.5 ലക്ഷം രൂപ പ്രതികള് തട്ടിയെടുത്തു. ഒറിജിനലിലെ വെല്ലുന്ന വ്യാജ രേഖകള് ചമച്ചായിരുന്നു നിഷാദിനെ വിശ്വസിപ്പിച്ചത്.
കേസിലെ നാലാം പ്രതിയാണ് ചിഞ്ചു.. 'ടാലെന്റ് വിസ എച്ച്.ആര് കണ്സല്ട്ടന്സി' എന്ന സ്ഥാപനത്തിന്റെ മറവില് പലരില് നിന്നായി കോടികള് തട്ടിയെടുത്തു എന്നാണ് പൊലീസ് കണ്ടെത്തല്. സോഷ്യല് മീഡിയ വഴി പരസ്യം നല്കി ഇരകളെ കണ്ടെത്തുന്നതായിരുന്നു പ്രതികളുടെ രീതി.
Related News
