ജിദ്ദ: വയനാട് പ്രകൃതി ദുരന്തത്തിനു ഒരു വര്ഷമായിട്ടും പുനരധിവാസ പ്രവര്ത്തനങ്ങള് നീണ്ടു പോകുന്നതില് ഒഐസിസി വയനാട് ജില്ലാ കമ്മിറ്റി പ്രതിഷേധം രേഖപ്പെടുത്തി. സംസ്ഥാന സര്ക്കാരിന്റെ പിടിപ്പുകേട് മൂലം ആരോഗ്യ രംഗം സമ്പൂര്ണ്ണ തകര്ച്ചയിലേക്ക് കൂപ്പു കുത്തുന്ന സാഹചര്യമാണുള്ളതെന്നും ഒഐസിസി വയനാട് ജില്ലാ കമ്മിറ്റി പ്രവര്ത്തക കണ്വന്ഷന് അഭിപ്രായപ്പെട്ടു.
വയനാട് ജില്ലാ ഒഐസിസി കമ്മിറ്റി പുനഃ സംഘടനയുടെ ഭാഗമായി പുതിയ ഭാരവാഹികളെ തെരഞ്ഞെടുത്തു. ഷിബു സെബാസ്ററ്യന് (പ്രസിഡന്റ്), മന്സൂര് വയനാട് , ജെറാള്ഡ് അന്ന മാത്യു, മുജീബ് അമ്പലവയല് (വൈ. പ്രസിഡന്റുമാര്), അബ്ദുല് നാസര് കെ, ഗഫൂര് അമ്പലവയല്, അമി ഷിബു (:ജന: സെക്രട്ടറിമാര് ) മുജീബ് കല്പറ്റ, വീരാന് മാനന്തവാടി, ചാക്കോച്ചന് പുല്പള്ളി,മുഹമ്മദ് അലി മാനന്തവാടി (സെക്രട്ടറിമാര്) ബിനു ജോസഫ് (ട്രഷറര്), .മുഹമ്മദ് നിയാസ് (അസി. ട്രഷറര്).
ഒഐസിസി വെസ്റ്റേണ് റീജ്യണല് കമ്മിറ്റി പ്രസിഡന്റ് ഹക്കീം പാറക്കല് ഉദ്ഘാടനം ചെയ്തു. റീജ്യണല് കമ്മിറ്റി ജന: സെക്രട്ടറിമാരായ അസ്ഹാബ് വര്ക്കല, ആസാദ് പോരൂര്, ട്രഷറര് ഷരീഫ് അറക്കല് എന്നിവര് തെരഞ്ഞെടുപ്പ് നിയന്ത്രിച്ചു. നാസര് കോഴിത്തൊടി, ബഷീര് അലി പരുത്തിക്കുന്നന് എന്നിവര് ആശംസകള് നേര്ന്നു. അസ്ഹബ് വര്ക്കല സ്വാഗതവും ഷരീഫ് അറക്കല് നന്ദിയും പറഞ്ഞു.
Related News
