.jpg)
സൗദി അറേബ്യയിലെ ഹഫര് അല് ബത്തിനില് അപകടത്തേ തുടര്ന്ന് മരണപ്പെട്ട തമിഴ്നാട് സ്വദേശിയുടെ മൃതദേഹം നാട്ടിലെത്തിച്ചു സംസ്കരിച്ചു. ഹഫര് അല് ബത്തീന് സനാഇയ്യയില് മുപ്പത് വര്ഷത്തോളമായി പഞ്ചര് വര്ക്ക്ഷോപ്പ് നടത്തി വരുകയായിരുന്ന തമിഴ്നാട് നാമക്കല് സ്വദേശി സുന്ദരം രാമസ്വാമിയുടെ (്59) മൃതദേഹമാണ് നിയമ നടപടികള് പൂര്ത്തിയാക്കി നാട്ടിലെത്തിച്ചത്.
ടാങ്കര് ലോറിയുടെ പഞ്ചര് ഒട്ടിക്കുന്നതിനിടയില് ജാക്കി തെന്നിമാറി വാഹനം ശരീരത്തിലേക്ക് കയറിയാണ് അപകടം സംഭവിച്ചത്. ഹോസ്പിറ്റലില് എത്തിക്കുന്നതിനിടയിലായിരുന്നു മരണം സംഭവിച്ചത്.
രണ്ടാഴ്ച നീണ്ടുനിന്ന പോലീസ് അന്വേഷണത്തിനും ഫോറെന്സിക് പരിശോധനക്കും ശേഷം ഇന്ത്യന് എംബസ്സിയുടെ സഹായത്തോടെ ഒ.ഐ.സി.സി പ്രസിഡന്റ് വിബിന് മറ്റത്ത് നിയമ നടപടികള് പൂര്ത്തിയാക്കി. സുഹൃത്തുക്കളായ ഗോപാല്, ചെല്ലപ്പന് എന്നിവര് മൃതദേഹം ഏറ്റുവാങ്ങി ഇന്ഡിഗോ വിമാനത്തില് ചെന്നൈ വിമാന താവളത്തില് എത്തിക്കുകയായിരുന്നു.
ചെന്നൈ വിമാനത്താവളത്തില് എത്തിച്ച മൃതദേഹം ബന്ധുക്കള് ഏറ്റുവാങ്ങി സ്വദേശത്ത് സംസ്കരിച്ചു. മാതാവ് : പപ്പായി രാമസ്വാമി. ഭാര്യ :ഗോമതി സുന്ദരം. മക്കള് :മാലതി, അരുണ്കുമാര്.
Related News
