റിയാദ് - ജനറല്‍ ട്രാഫിക് ഡിപ്പാര്‍ട്ട്‌മെന്റ് (മുറൂര്‍) ഇന്ന് (ഞായര്‍) അബ്ഷിര്‍ പ്ലാറ്റ്‌ഫോം വഴി സവിശേഷമായ ലൈസന്‍സ് പ്ലേറ്റുകള്‍ക്കായുള്ള ഓണ്‍ലൈന്‍ ലേലം ആരംഭിച്ചു. നമ്പര്‍ പ്ലേറ്റുകള്‍ വാങ്ങാന്‍ ആഗ്രഹിക്കുന്നവര്‍ക്ക് ഓണ്‍ലൈനായി ലേലത്തില്‍ പങ്കെടുക്കാന്‍ ഇതിലൂടെ സാധിക്കും.

നാളെ (തിങ്കള്‍, ജൂലൈ 7) വരെ ലേലം തുടരുമെന്ന് അധികൃതര്‍ അറിയിച്ചു. താല്‍പ്പര്യമുള്ളവര്‍ക്ക് നാല് ലളിതമായ ഘട്ടങ്ങളിലൂടെ ലേലത്തില്‍ പങ്കെടുക്കാം. അബ്ഷറില്‍ ലോഗിന്‍ ചെയ്യുക എന്നതാണ് ആദ്യപടി. തുടര്‍ന്ന് 'എന്റെ സേവനങ്ങള്‍' (My Services) ടാബില്‍ നിന്ന് 'സേവനങ്ങള്‍' (Services) തിരഞ്ഞെടുക്കുക. അതിനുശേഷം 'ട്രാഫിക്' (Traffic) എന്ന ഓപ്ഷനും, അവസാനമായി 'ഇലക്ട്രോണിക് ലൈസന്‍സ് പ്ലേറ്റ് ലേലം' (Electronic License Plate Auction) സേവനവും തിരഞ്ഞെടുക്കുക.