തായിഫ്: കോഴിക്കോട് സ്വദേശി പാക്കിസ്ഥാന്‍ പൗരന്റെ ട്രക്കിനിടയില്‍പെട്ട് ദാരുണമായി മരിച്ചു. കോഴിക്കോട് തിരുവമ്പാടി സ്രാമ്പിക്കല്‍ വീട്ടില്‍ മുസ്തഫ (46) ആണ് മരിച്ചത്. തായില്‍വെച്ച് പാക്കിസ്ഥാന്‍ പൗരന്‍ ഓടിച്ച ട്രക്ക് കയറിയാണ് മരണം.

വാക്കു തര്‍ക്കത്തിനിടെ പാക്കിസ്ഥാന്‍കാരന്‍ മനപൂര്‍വം ട്രക്ക് കയറ്റിയതാണെന്നും പറപ്പെടുന്നു. പോലീസ് സമീപത്തെ സിസിടിവി ദൃശ്യങ്ങളടക്കം പരിശോധിച്ചു വരികയാണ്. ട്രക്ക് ട്രൈവര്‍ അറസ്റ്റിലാണ്.

പരേതരായ ഇമ്പിച്ചാലി ആച്ചുമ്മ ദമ്പതികളുടെ മകനാണ് മുസ്തഫ. നിയമ നടപടികള്‍ പൂര്‍ത്തിയാക്കി മൃതദേഹം നാട്ടിലേക്കു കൊണ്ടുപോകുന്നതിന് സൗദി അറേബ്യ ഡ്രൈവേഴ്‌സ് വെല്‍ഫെയര്‍ അസോസിയേഷന്‍ പ്രവര്‍ത്തകര്‍ രംഗത്തുണ്ട്.