മിലാന്: ടേക്ക് ഓഫിന് തയാറായി നിന്നിരുന്ന വിമാനത്തിന്റെ എന്ജിനില് കുടുങ്ങി യുവാവിന് ദാരുണാന്ത്യം. ഇറ്റലിയിലെ മിലാന് ബെര്ഗാമോ വിമാനത്താവളത്തിലാണ് സംഭവം്. സ്പെയിനിലെ അസ്റ്റൂറിയാസിലേക്ക് പോകാനൊരുങ്ങി റണ്വേയിലേക്ക് നീങ്ങിയ എ319 വോളോട്ടിയ വിമാനത്തിനടുത്തേക്ക് ഓടിയെത്തിയ 35കാരനാണ് മരിച്ചത്.
എന്ജിനില് കുടുങ്ങിയ അപകടത്തെ തുടര്ന്ന് രണ്ട് മണിക്കൂറോളം വിമാനഗതാഗതം തടസപ്പെട്ടതായി മിലാന് ബെര്ഗാമോ വിമാനത്താവള അധികൃതര് അറിയിച്ചു. വിമാന ജീവനക്കാരടക്കം 154 യാത്രക്കാരാണ് വിമാനത്തിലുണ്ടായിരുന്നത്. ഏറ്റവും തിരക്കേറിയ വിമാനത്താവളങ്ങളില് ഒന്നാണ് ഇത്. രാവിലെ 10.20നാണ് അപകടം നടന്നത്. സംഭവത്തില് അന്വേഷണം നടത്തിവരികയാണെന്ന് എയര്പോര്ട്ട് അധികൃതര് അറിയിച്ചു. അപകടത്തെ തുടര്ന്ന് ഒമ്പത് വിമാനങ്ങള് വഴിതിരിച്ചുവിടുകയും എട്ട് വിമാനങ്ങള് റദ്ദാക്കുകയും ചെയ്തു.
അപകടത്തില്പെട്ടയാള് വിമാനത്താവള ജീവനക്കാരനാണഎന്നായിരുന്നു ആദ്യ റിപ്പോര്ട്ട്. എന്നാല് പൊലീസ് പിന്തുടര്ന്നതിനെ തുടര്ന്നാണ് യുവാവ് റണ്വേയില് എത്തിയതെന്നും സുരക്ഷാവാതിലിലൂടെയാണ് റണ്വേയില് കടന്നതെന്നും ചില പ്രാദേശിക മാധ്യങ്ങള് റിപ്പോര്ട്ട് ചെയ്തു.
Related News
