.jpg)
ജിദ്ദ: സാമൂഹ്യ സാംസ്കാരിക രംഗങ്ങളില് സജീവ സാനിധ്യമായ മുഹമ്മദ് അബ്ദുനാസര് പ്രവാസത്തോട് വിടപറയുന്നു. കോഴിക്കോട് ജില്ലയിലെ തിക്കോടി സ്വദേശിയായ അബ്ദുനാസര്, ഇരുപത്തഞ്ച് വര്ഷത്തെ പ്രവാസ ജീവിതത്തിന് ശേഷം നാടണയുകയാണ്. സാമൂഹ്യ ജീവകാരുണ്യ മേഖലയിലെ സജീവ സാനിധ്യമായിരുന്ന അബ്ദുനാസര്, 1991 മുതല് തന്നെ അല് അമൂദി ഹോളിഡൈസില് ചീഫ് അകൗണ്ടന്റായി പ്രവര്ത്തിച്ചു വരുകയായിരുന്നു.
തിക്കോടി പഞ്ചായത്ത് മുന് പ്രസിഡന്റായ പരേതനായ കെ.ഖാലിദാണ് മുഹമ്മദ് അബ്ദുനാസറിന്റെ പിതാവ്. നാട്ടില് തിരിച്ചത്തെിയാല് പിതാവിന്റെ പാത പിന്തുടര്ന്ന് സാമൂഹിക ജീവകാരുണ്യ മേഖലകളില് പ്രവര്ത്തിക്കാനാണ് ഉദ്ദേശമെന്ന് സുഹൃത്തുക്കള് നല്കിയ യാത്രയയപ്പ് യോഗത്തില് അദ്ദേഹം പറഞ്ഞു. യോഗത്തില് വി.കെ.ഷൗകത്ത്, കെ.എം.മുസ്തഫ തുടങ്ങിയവര് സംസാരിച്ചു.
Related News
