തിരുവനന്തപുരം: പുതുക്കിയ കീം റാങ്ക് പട്ടിക പ്രസിദ്ധീകരിച്ചു. തിരുവനന്തപുരം കവടിയാര്‍ സ്വദേശി ജോഷ്വാ ജേക്കബ് തോമസിന് ഒന്നാം റാങ്ക്. എറണാകുളം സ്വദേശി ഹരികിഷന്‍ ബൈജു രണ്ടാം റാങ്കും തിരുവനന്തപുരം സ്വദേശി എമില്‍ ഐപ് സക്കറിയ മൂന്നാം റാങ്കും കരസ്ഥമാക്കി. പഴയ ലിസ്റ്റില്‍ ജോണ്‍ ഷിനോജിനായിരുന്നു ഒന്നാം റാങ്ക്. പഴയ പട്ടികയില്‍ അഞ്ചാം റാങ്കായിരുന്നു ജോഷ്വായ്ക്ക്.


പഴയ പട്ടികയില്‍ ഒന്നാമതായിരുന്ന ജോണ്‍ ഷിനോജ് പുതിയ പട്ടികയില്‍ ഏഴാമതായി. ഹരികിഷന്‍ രണ്ടു പട്ടികയിലും രണ്ടാം സ്ഥാനം നിലനിര്‍ത്തി. പഴയ പട്ടികയിലെ മൂന്നാം റാങ്കുകാരന്‍ അക്ഷയ് ബിജു പുതിയ പട്ടികയില്‍ എട്ടാമതായി. പഴയ പട്ടികയിലെ നാലാം റാങ്കുകാരന്‍ അദല്‍ സയാന്‍ സ്ഥാനം നിലനിര്‍ത്തി. പഴയ പട്ടികയില്‍ അഞ്ചാം സ്ഥാനത്തായിരുന്ന ജോഷ്വ ജേക്കബ് തോമസാണ് പുതിയ പട്ടികയില്‍ ഒന്നാമനായത്. ആറാം സ്ഥാനത്തായിരുന്ന എമില്‍ ഐപ് സക്കറിയ പുതിയ പട്ടികയില്‍ മൂന്നാമതെത്തി. പുതിയ പട്ടികയിലെ 5,6,9,10 റാങ്കുകാര്‍ പഴയ പട്ടികയില്‍ ആദ്യ പത്തില്‍ ഇടംപിടിക്കാന്‍ കഴിയാതിരുന്നവരാണ്. പഴയ പട്ടികയിലെ 7,8,9,10 റാങ്കുകാര്‍ക്ക് പുതിയ പട്ടികയില്‍ ഇടംപിടിക്കാന്‍ കഴിഞ്ഞില്ല.


ഫോട്ടോ: ജോഷ്വാ ജേക്കബ് തോമസ്, ഹരികിഷന്‍ ബൈജു, എമില്‍ ഐപ് സക്കറിയ.