റിയാദ് : കേളി കലാസാംസ്‌കാരിക വേദി റിയാദ് അസീസിയ ഏരിയ മനാഹ് യൂണിറ്റ് എക്‌സ്‌ക്യൂട്ടീവ് അംഗം രാജീവിന് യൂണിറ്റിന്റെ നേതൃത്വത്തില്‍ യാത്രയയപ്പ് നല്‍കി. കഴിഞ്ഞ 14 വര്‍ഷക്കാലമായി റിയാദിലെ ഒരു സ്വകാര്യ കമ്പനിയില്‍ ഡ്രൈവറായി ജോലി ചെയ്തു വരികയായിരുന്നു. തൃശൂര്‍ ജില്ല അന്തിക്കാട് സ്വദേശിയാണ്.

അസീസിയ മനാഹില്‍ നടന്ന യാത്രയായപ്പ് ചടങ്ങില്‍ യൂണിറ്റ് പ്രസിഡന്റ് ശശി കാട്ടൂര്‍ അധ്യക്ഷത വഹിച്ചു. കേളി അസീസിയ ഏരിയ രക്ഷാധികാരി കണ്‍വീനര്‍ ഹസ്സന്‍ പുന്നയൂര്‍, കേളി കേന്ദ്ര കമ്മിറ്റി അംഗങ്ങളായ റഫീഖ് ചാലിയം, ഷാജി റസാഖ്, ഏരിയ സെക്രട്ടറി സുധീര്‍ പോരേടം, ഏരിയ ട്രഷറര്‍ ലജീഷ് നരിക്കോട്, ഏരിയ രക്ഷാധികാരി സമിതി അംഗം സുഭാഷ്, ഏരിയ കമ്മിറ്റി അംഗം സ്വാലിഹ്, യൂണിറ്റ് എക്‌സിക്യൂട്ടീവ് അംഗം അലികുട്ടി എന്നിവര്‍ ആശംസകള്‍ നേര്‍ന്നു. കൂടാതെ നിരവധി യൂണിറ്റ് അംഗങ്ങളും യാത്രയയപ്പ് യോഗത്തില്‍ പങ്കെടുത്തു. യൂണിറ്റ് സെക്രട്ടറി സജാദ് സ്വാഗതവും, യൂണിറ്റിന്റെ ഉപഹാരവും നല്‍കി, യാത്രയയപ്പ് ചടങ്ങിന് രാജീവ് നന്ദി രേഖപ്പെടുത്തി.