തിരുവനന്തപുരം- കേരളത്തിലെ തദ്ദേശ തെരഞ്ഞെടുപ്പ് കോണ്ഗ്രസിന് ജീവന്മരണ പോരാട്ടം എന്ന് കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാ ദാസ് മുന്ഷി. പരാജയപ്പെട്ടാല് കേരളത്തില് കോണ്ഗ്രസ് ഉണ്ടാകില്ലെന്നും അസ്തിത്വം നഷ്ടപ്പെടുമെന്നും കോട്ടയത്ത് നടന്ന കെപിസിസി- ഡിസിസി ഭാരവാഹി യോഗത്തില് ദീപാ ദാസ് മുന്ഷി പറഞ്ഞു.
കേരളത്തില് വര്ധിച്ചു വരുന്ന ലഹരിക്കെതിരെയുള്ള പോരാട്ടത്തില് കോണ്ഗ്രസ് മുന്നിട്ടിറങ്ങണമെന്നും ദീപ ദാസ് മുന്ഷി പറഞ്ഞു. ഉമ്മന്ചാണ്ടിയുടെ കാലത്തുണ്ടായിരുന്ന ആവേശം വീണ്ടെടുക്കണമെന്നും ഉദ്ഘാടന പ്രസംഗത്തില് പറഞ്ഞു.
കേരളത്തില് തൊഴിലില്ലായ്മ രൂക്ഷമാകുന്ന സാഹചര്യത്തില് യുവാക്കള്ക്കായി തൊഴില് സൃഷ്ടിക്കുന്ന പദ്ധതികളും കാഴ്ചപ്പാടുകളും കോണ്ഗ്രസിന് മുന്നോട്ട് വെക്കാന് കഴിയണമെന്നും ദീപ ദാസ് മുന്ഷി നിര്ദ്ദേശിച്ചു. 2026-ല് ഇടതുപക്ഷത്തെ അധികാരത്തില്നിന്ന് പുറത്താക്കണമെങ്കില് അടിസ്ഥാനകാര്യങ്ങള് പൂര്ത്തിയാക്കണമെന്നും ദീപാദാസ് മുന്ഷി പറഞ്ഞു.
Related News
