റിയാദ്: ഹൃസ്വ സന്ദര്ശനത്തിനായി റിയാദിലെത്തിയ ഡി.വൈ.എഫ്.ഐ സംസ്ഥാന പ്രസിഡന്റും നാട്ടുകാരനുമായ വി വസീഫിന് മാസ് റിയാദ് പ്രവര്ത്തകര് സ്വീകരണം നല്കി. ബത്ഹ ഡി പാലസ് ഓഡിറ്റോറിയത്തില് നടന്ന ചടങ്ങില് മാസ് റിയാദ് പ്രസിഡന്റ് യതി മുഹമ്മദ് അധ്യക്ഷത വഹിച്ചു. ഉപദേശക സമിതി അംഗം ഷാജു കെ.സി പരിപാടി ഉദ്ഘാടനം ചെയ്തു. ഭാരവാഹികളായ അശ്റഫ് മേച്ചേരി, ജബ്ബാര് കക്കാട്, സുഹാസ് ചേപ്പാലി, ഷമീം എന്.കെ, യൂസഫ് കൊടിയത്തൂര്, മുഹമ്മദ് കൊല്ലളത്തില്, ഹര്ഷാദ് എം.ടി തുടങ്ങിയവര് സംസാരിച്ചു. ചടങ്ങില് മുഖ്യാതിഥി വസീഫിനെ പ്രസിഡന്റ് യതി മുഹമ്മദ് ഷാള് അണിയിച്ച് ആദരവ് നല്കി. തുടര്ന്ന് മാസ് ഒരുക്കിയ സ്വീകരണത്തിന് നന്ദി രേഖപ്പെടുത്തി അദ്ദേഹം സംസാരിച്ചു.
സ്വീകരണ ചടങ്ങിന് സെക്രട്ടറി അഫീഫ് കക്കാട് സ്വാഗതവും, അബ്ദുല് സലാം പേക്കാടന് പ്രാര്ത്ഥനയും, ട്രഷറര് ഫൈസല് എ.കെ നന്ദിയും രേഖപ്പെടുത്തി. സഫറുള്ള സി.ടി,അലി പേക്കാടന്, സാദിഖ് സി.കെ, ഹാറൂണ് കാരക്കുറ്റി, സത്താര് കാവില്, അബ്ദുല് നാസര് പുത്തന്, ഷമീല് കക്കാട്,അയ്യൂബ് ഖാന്, മഹബൂബ്,ഷിംജിത്ത് തുടങ്ങിയവര് നേതൃത്വം നല്കി.
Related News
