ജിദ്ദ: 'മാനവിക മൂല്യങ്ങള് തകര്ന്നു പോകാതെ സംരക്ഷിക്കുന്നതില് സൗഹൃദങ്ങള് വലിയ പങ്ക് വഹിക്കുന്നുണ്ടെന്ന് കെ.എം.സി.സി നാഷണല് കമ്മിറ്റി ട്രഷറര് അഹമ്മദ്എ പാളയാട്ട് അഭിപ്രായപ്പെട്ടു ഇക്കാര്യത്തില് കേരളം എല്ലാത്തിനും മുന്നിലാണ്. ജിദ്ദയില് ഷറഫിയ ലക്കി ദര്ബാറില് എറണാകുളം ജില്ലാ കെഎംസിസി നടത്തിയ സൗഹദ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിവിധ മതവിഭാഗങ്ങള്ക്കിടയില് മുസ്ലിംലീഗ് നേതാക്കള് ഉണ്ടാക്കിയെടുത്തിട്ടുള്ള സ്നേഹവും സാഹോദര്യവും മാതൃകാപരമാണ്. പ്രവാസലോകത്ത് കെഎംസിസിക്കും ഇക്കാര്യത്തില് ഏറെ പ്രവര്ത്തിക്കാന് കഴിയുമെന്ന് അദ്ദേഹം അഭിപ്രായപ്പെട്ടു.
സെന്ട്രല് കമ്മിറ്റി സെക്രട്ടറി വി.പി. മുസ്തഫ മുഖ്യ പ്രഭാഷണം നടത്തി. അബ്ദുല് റഹ്മാന് വെള്ളിമാട് കുന്ന് , ഇസ്മായില് മുണ്ടക്കുളം, സി കെ റസാഖ് മാസ്റ്റര്, നസീര് വാവക്കുഞ്, ശിഹാബ് താമരക്കുളം, നാസര് എടവനക്കാട്, നാസര് മച്ചിങ്ങല്, ലത്തീഫ് മുസ്ലിയാരങ്ങാടി, അനസ് അരിമ്പ്രശ്ശേരി, അബ്ദുല് കരീം മൗലവി തേന്കോട്, ഷബീറലി പല്ലാരിമംഗലം, സുബൈര് മുട്ടം, ഹിജാസ് പെരുമ്പാവൂര്, റസാഖ് കാഞ്ഞിരപ്പിള്ളി, നൗഷാദ് ആലപ്പുഴ എന്നിവര് സംസാരിച്ചു.
നോര്ക്ക പ്രവാസികള് അറിഞ്ഞിരിക്കേണ്ടതെല്ലാം എന്നവിഷയത്തില് അബ്ദുല് കരീം കൂട്ടിലങ്ങാടിയും പ്രവാസി ജീവിതം എന്നവിഷയത്തില് സുലൈമാന് അഹ്സനിയും സംവദിച്ചു. കുട്ടികളുടെ ചിത്രരചന മത്സരം, വനിതകളുടെ മെഹന്ദി മത്സരം, ഒപ്പന, സംഗീത വിരുന്ന് തുടങ്ങിയവയും നടന്നു. അഷ്റഫ് മൗലവി കുറഞ്ഞിലക്കാട്, മുഹമ്മദ് അറക്കല് അബ്ദുല് ബാസിത്ത്, സിയാദ് ചെളിക്കണ്ടത്തില്, ഷിയാസ് കവലയില്, ഇര്ഷാദ് ചാത്തനാട്ട്, മുഹമ്മദ് ഷാ തേന്ങ്കോട് ആഷിഖ് സുലൈമാന് നൈസാം സാംബ്രിക്കല് എന്നിവര് പരിപാടി നിയന്ത്രിച്ചു. റഷീദ് ചാമക്കാട്ട് അധ്യക്ഷത വഹിച്ചു, ജാബിര് മടിയൂര് സ്വാഗതവും ഷാഫി ചൊവ്വര നന്ദിയും പറഞ്ഞു. വിജയികള്ക്കുള്ള സമ്മാന ദാനവും കൂപ്പണ് വിജയികള്ക്കുള്ള സമ്മാന വിതരണവും നടത്തി.
Related News
