ജിദ്ദ : സംശുദ്ധ രാഷ്ട്രീയത്തിന്റെ ഉദാത്ത പ്രതീകമായിരുന്നു സി. പി. ഐ നേതാവും മുന് മുഖ്യമന്ത്രിയുമായിരുന്ന പി. കെ. വാസുദേവന് നായര് എന്ന് ന്യൂ ഏജ് ഇന്ത്യ ഫോറം ജിദ്ദ കമ്മിറ്റി അനുസ്മരിച്ചു. വര്ത്തമാനകാല രാഷ്ട്രീയത്തില് പി. കെ. വിയെപ്പോലുള്ള ആദര്ശശാലികളുടെ അഭാവം നികത്താനാവാത്തതാണെന്നും ഷറഫിയ അല് അബീര് ഓഡിറ്റോറിയത്തില് ചേര്ന്ന യോഗം അഭിപ്രായപ്പെട്ടു.
പി. കെ. വിയുടെ ഓര്മദിവസത്തില് സംഘടിപ്പിച്ച യോഗം ഭാവിപരിപാടികള് ആസൂത്രണം ചെയ്തു. സത്താര് ഇരിട്ടി അധ്യക്ഷത വഹിച്ചു. ലത്തീഫ് മലപ്പുറം, യാസര് കൊളപ്പുറം, ശ്രീജിത്ത് അലനെല്ലൂര്, സലീം മധുവായി, ഷാജഹാന് കരുനാഗപ്പള്ളി, പി. ടി റഫീഖ് മങ്കട, മുഹമ്മദ് മുഴപ്പിലങ്ങാട് എന്നിവര് സംസാരിച്ചു.
Related News
