ജിദ്ദ: ജനകീയ വിഷയങ്ങളിൽ നിന്ന് ശ്രദ്ധ തിരിച്ചു അധികാരത്തിലെത്താൻ ഹീനമായ വർഗീയ ധ്രുവീകരണങ്ങൾ നടത്തുന്ന ഇടതു സർക്കാരിനെ താഴെ ഇറക്കാൻ യുഡിഫ് ഒറ്റകെട്ടായി പ്രവർത്തിക്കുമെന്ന് അൻവർ സാദത്ത് എം. എൽ. എ.

ഉംറ നിർവഹിക്കാനായി സൗദിയിൽ എത്തിയ അദ്ദേഹത്തിന് ജിദ്ദ കെഎംസിസി ഓഫീസിൽ നൽകിയ സ്വീകരണത്തിന് നന്ദി പറഞ്ഞു സംസാരിക്കുകയായിരുന്നു അദ്ദേഹം.

ഐക്യജനാതിപത്യ മുന്നണിക്ക് തിരഞ്ഞെടുപ്പുകളിൽ വളരെ ഗുണപരമായി പ്രവർത്തിക്കുന്ന ഐക്യത്തോടെയുള്ള കെഎംസിസി, ഒ. ഐ. സി. സി പ്രവർത്തനങ്ങളെയും
ഹജ്ജ് സേവന പ്രവർത്തങ്ങളേയും ആഗോള തലത്തിൽ കെഎംസിസി നടത്തുന്ന ജീവ കാരുണ്യ പ്രവർത്തനനങ്ങളെയും അദ്ദേഹം പ്രശംസിച്ചു.

ജിദ്ദ കെഎംസിസി പ്രസിഡണ്ട് അബുബക്കർ അരിമ്പ്ര ജിദ്ദ കെഎംസിസി പ്രവർത്തനങ്ങൾ MLA ക്ക് പരിചയപ്പെടുത്തി. സെക്രട്ടറി വിപി മുസ്തഫ സ്വാഗതം പറഞ്ഞു. ഒഐസിസി നേതാക്കൾ, ജിദ്ദ കെഎംസിസി സെൻട്രൽ കമ്മിറ്റി, ജില്ലാ കമ്മിറ്റി ഭാരവാഹികൾ സന്നിഹിതരായി.