റിയാദ്: മുന്‍ മുഖ്യമന്ത്രിയും കോണ്‍ഗ്രസ് നേതാവുമായ ഉമ്മന്‍ ചാണ്ടിയുടെ രണ്ടാം ചരമദിന അനുസ്മരണം യോഗം ജുലൈ 25- വെള്ളിയാഴ്ച വൈകിട്ട് ബത്ഹ ഡി പാലസ് ഓഡിറ്റോറിയത്തില്‍ നടക്കും. പരിപാടിയില്‍ പുതുപള്ളി എം.എല്‍.എയും ഉമ്മന്‍ ചാണ്ടിയുടെ മകനുമായ ചാണ്ടി ഉമ്മന്‍ വിശിഷ്ട്ടാഥിതിയായി സംബന്ധിക്കും. പരിപാടിയുടെ ഭാഗമായി ജുലൈ 18 - വെള്ളിയാഴ്ച ഉച്ചയ്ക്ക് ഒഐസിസി പ്രവര്‍ത്തകര്‍ക്കായി സംഘടിപ്പിക്കുന്ന പ്രസംഗ മത്സരവും, കൂടാതെ പൊതുജനങ്ങള്‍ക്കായി ജുലൈ 25-ന് കാരിക്കേച്ചറടക്കം വിവിധ മത്സരങ്ങളും ഉണ്ടായിരിക്കുമെന്ന് സംഘാടകര്‍ അറിയിച്ചു.

അതോടൊപ്പം ജീവകാരുണ്യ രംഗത്ത് നാട്ടില്‍ ഏറ്റവും മികവ് തെളിയിച്ച ജനപ്രതിനിധിക്ക് ഉമ്മന്‍ ചാണ്ടിയുടെ പേരില്‍ റിയാദ് ഒഐസിസി ഏര്‍പ്പെടുത്തിയ ഉമ്മന്‍ ചാണ്ടി പുരസ്‌ക്കാര ജേതാവിനെ ചാണ്ടി ഉമ്മന്‍ ചടങ്ങില്‍ പ്രഖ്യാപിക്കും. കെ.പി സി.സി ജനറല്‍ സെക്രട്ടറി പിഎ.സലീം, സി. ഹരിദാസ്, സോണി സെബാസ്റ്റ്യന്‍ എന്നിവരടങ്ങിയ ജൂറിയാണ് അവാര്‍ഡിനര്‍ഹനായ ജനപ്രതിനിധിയെ തിരഞ്ഞെടുക്കുക. വിജയിക്കുള്ള അവാര്‍ഡ് പിന്നീട് നാട്ടില്‍ വെച്ച് വിതരണം ചെയ്യും.