കോഴിക്കോട്: മുസ്ലിം സര്വിസ് സൊസൈറ്റി (എം.എസ്.എസ്) പ്രവാസി കുടുംബ സംഗമം സംഘടിപ്പിച്ചു. ഡോ. അബ്ദുസമദ് സമദാനി എം.പി ഉദ്ഘാടനം ചെയ്തു.
പ്രവാസികളാണ് രാജ്യത്തിന്റെ യഥാര്ഥ ശില്പ്പികളെന്ന് സമദാനി പറഞ്ഞു. സാമ്പത്തിക വികാസത്തിനും പുരോഗതിക്കും അതത് കാലത്തെ സര്ക്കാറുകളുടെ പ്രവര്ത്തനം ഉണ്ടെങ്കിലും അത് അവരുടെ ബാധ്യതയാണ്. എന്നാല് പ്രവാസികള് കുടുംബം നോക്കുന്നതിനൊപ്പം നാട് കെട്ടിപ്പടുക്കുന്നതിലും പാവപ്പെട്ടവരെ സഹായിക്കുന്നതിലും മുഖ്യ പങ്ക് വഹിക്കുന്നു. പുതിയ തലമുറയെ പിടികൂടിയിരിക്കുന്ന മയക്കുമരുന്ന് ലഹരിയില്നിന്നുള്ള മോചനമാകണം നമ്മുടെ ലക്ഷ്യം. ആര്ഭാടങ്ങള്ക്കെതിരെ ശക്തമായി പോരാടിയ എം.എസ്.എസിന്റെ പാത ഏവര്ക്കും മാതൃകയാണെന്നും സമദാനി പറഞ്ഞു.
എം.എസ്.എസ് ഓഡിറ്റോറിയത്തില് നടന്ന സംഗമത്തില് പ്രസിഡന്റ് ഡോ. പി. ഉണ്ണീന് അധ്യക്ഷത വഹിച്ചു. പ്രവാസികളില് സാമൂഹിക സേവന രംഗങ്ങളില് വ്യക്തിമുദ്ര പതിപ്പിച്ച എം.പി. മുഹമ്മദ് ഷാഫി (ഖത്തര്), കെ.പി. ഷംസുദ്ദീന് (ദുബായ്), ടി.കെ. അബ്ദുല് നാസര് (ചെന്നൈ), അക്കര മുഹമ്മദ് അബ്ദുല് അസീസ് (ഖത്തര്), പി.എം. അമീര് അലി (ജിദ്ദ), എന്.വി. മുഹമ്മദ് ബഷീര് എന്നിവരെ ചടങ്ങില് ആദരിച്ചു. ജനറല് സെക്രട്ടറി എന്ജി. പി. മമ്മദ് കോയ മുഖ്യപ്രഭാഷണം നടത്തി.
'യുദ്ധവും സമാധാനവും' എന്ന വിഷയത്തില് പ്രമുഖ ട്രെയിനര് ഡോ. റാഷിദ് ഗസ്സാലി ക്ലാസെടുത്തു. ഫയാസ് അഹമ്മദ് യൂസഫ് (ദുബായ്), പി.പി. അബ്ദുല് റഷീദ് (ചെന്നൈ), പി.ടി. മൊയ്തീന് കുട്ടി, ടി.എസ്. നിസാമുദ്ദീന് എന്നിവര് സംസാരിച്ചു. മാപ്പിളപ്പാട്ട് ഗവേഷകന് ഫൈസല് എളേറ്റില് പാട്ടും പറച്ചിലും അവതരിപ്പിച്ചു. സംഘടനയുടെ കേരളത്തിന് പുറത്തുള്ള പ്രതിനിധികളും വിദേശ ചാപ്റ്ററുകളായ ഖത്തര്, ദുബായ്, അബുദാബി, ജിദ്ദ, ദമ്മാം, റിയാദ് എന്നിവിടങ്ങളില്നിന്നുള്ള പ്രതിനിധികളും കുടുംബസമേതം സംഗമത്തില് പങ്കെടുത്തു.
Related News
