അബൂദാബി: യു എ ഇയില് താമസക്കാരല്ലാത്ത 50-ല് അധികം രാജ്യക്കാര്ക്ക് അവരുടെ ദേശീയ ഡ്രൈവിംഗ് ലൈസന്സ് ഉപയോഗിച്ച് രാജ്യത്ത് വാഹനമോടിക്കാന് അനുമതിയുണ്ടെന്ന് ആഭ്യന്തര മന്ത്രാലയം അറിയിച്ചു. ഇവര്ക്ക് സൈദ്ധാന്തികമോ പ്രായോഗികമോ ആയ പരീക്ഷകള് ആവശ്യമില്ല.
എന്നാല് താമസ വിസയുള്ളവര്ക്ക് അവരുടെ വിദേശ ലൈസന്സ് യു എ ഇ ലൈസന്സായി മാറ്റാന് ആറ് നിബന്ധനകള് ഉണ്ട്. അപേക്ഷകന് നിയമപരമായ ഡ്രൈവിംഗ് പ്രായം ഉണ്ടായിരിക്കണം, ലൈസന്സ് സാധുതയുള്ളതായിരിക്കണം എന്നിവ പ്രധാനമാണ്. അപേക്ഷകന് ബന്ധപ്പെട്ട എമിറേറ്റില് റസിഡന്സി വിസ ഉണ്ടായിരിക്കണമെന്നും സ്ഥിരീകരിച്ച റെസിഡന്ഷ്യല്, തൊഴില് അല്ലെങ്കില് പഠന വിലാസം ഉണ്ടായിരിക്കണമെന്നും നേത്ര പരിശോധനയില് വിജയിക്കണമെന്നും നിബന്ധനയിലുണ്ട്.
ചില രാജ്യങ്ങളുടെ ലൈസന്സുകള് മാറ്റുന്നതിന്, ധാരണാപത്രങ്ങളുടെ അടിസ്ഥാനത്തില് ഒറിജിനല് ലൈസന്സ് അധികൃതര്ക്ക് കൈമാറേണ്ടതുണ്ട്. വിദേശ ഡ്രൈവിംഗ് ലൈസന്സിന്റെ നിയമപരമായ പരിഭാഷ, ഒറിജിനല് ലൈസന്സിന്റെ പകര്പ്പ് എന്നിവയാണ് ലൈസന്സ് മാറ്റുന്നതിന് ആവശ്യമായ രേഖകള്. ഇതിന് 600 ദിര്ഹം ഫീസ് ഈടാക്കും. 'മുറൂര് ഖൗസ്' എന്ന സംരംഭത്തിന് കീഴില് മന്ത്രാലയം ഈ സേവനം അതിന്റെ ഡിജിറ്റല് പ്ലാറ്റ്ഫോമിലൂടെ ലഭ്യമാക്കുന്നുണ്ട്.
Related News
