ജിദ്ദ: പഴയ കാല തിരുവിതാംകൂര് പ്രദേശങ്ങളില് നിന്നുള്ള ജിദ്ദാ പ്രവാസികളുടെ കൂട്ടായ്മയായ ജെടിഎ അര്ധ വാര്ഷിക പൊതുയോഗം സംഘടിപ്പിച്ചു. നിരവധി ജീവകാരുണ്യ കലാ സാംസ്കാരിക പരിപാടികള് ജെ ടി എ ക്ക് കഴിഞ്ഞ കാലങ്ങളില് വിജയകരമായി സംഘടിപ്പിക്കുവാന് കഴിഞ്ഞതില് ചാരിതാര്ത്ഥ്യമുണ്ടെന്ന് പ്രസിഡണ്ട് അലി തേക്കുതോട് പറഞ്ഞു. സംഘടനാ രക്ഷാധികാരി നസീര് വാവാക്കുഞ്ഞ് പൊതുയോഗ ഉദ്ഘാടനം നിര്വ്വഹിച്ചു. ജെ ടി എ രക്ഷാധികാരി ദീലീപ് താമരക്കുളം, ഷറഫുദീന് ബാഖവി, ഹസ്സന് യമഹ, വാസുദേവന് വെള്ളത്തേടത്ത്, മാജാസാഹിബ് ഓച്ചിറ, അബ്ദുള്ള മുക്കണ്ണി, എഞ്ചി. ഖാജ മുഹിയിദ്ധീന് എന്നിവര് ആശംസകള് നേര്ന്നു. ജ്യോതി ബാബു കുമാറിന്റെ നേതൃത്വത്തില് പുതിയതായി നിലവില് വന്ന ജെടിഎ വനിതാവേദിയുടെ സമ്പൂര്ണ്ണ എക്സിക്യൂട്ടീവ് കമ്മിറ്റിയുടെ പ്രഖ്യാപനവും തദവസ്സരത്തില് നിര്വ്വഹിച്ചു.
വൈവിധ്യമാര്ന്ന കലാപരിപാടികള്ക്ക് രഞ്ജിത്ത്, നൂഹ് ബീമാപള്ളി, ശിഹാബ് താമരക്കുളം, ഷെഫിന്, ദിലീഫ് ഇസ്മയില്, ജിന്നി ജോര്ജ്ജ്, ഷാഹിന ആഷിര് എന്നിവര് നേതൃത്വം നല്കി. ജെ ടി എ പ്രസിഡണ്ട് അലി തേക്കുതോട് അധ്യക്ഷത വഹിച്ചു, ആക്ടിംഗ് ജനറല് സെക്രട്ടറി റഷീദ് ഓയൂര് സ്വാഗതവും ട്രഷറര് നൗഷാദ് പന്മന നന്ദിയും രേഖപ്പെടുത്തി.
പൊതുയോഗ പരിപാടികള്ക്ക് ശിഹാബ് താമരക്കുളം, മസൂദ് ബാലരാമപുരം, മുജീബ് കന്യാകുമാരി, രഞ്ജിത്ത് കുമാര്, അയ്യൂബ് ഖാന് പന്തളം, ഷെഫിന്, സിയാദ് അബ്ദുള്ള പടുതോട്, നവാസ് ചിറ്റാര്, എഞ്ചി. മൗഷ്മി ഷെറീഫ് എന്നിവര് നേതൃത്വം നല്കി. നൂഹ് ബീമാപള്ളി, ചന്ദ്രു വിജേഷ്, റഷീദ് ഓയൂര് , ഖദീജാ ബീഗം,
രമ്യ , ആഷിര് കൊല്ലം, ഷറഫുദ്ധീന് പത്തനംതിട്ട, ആതിര, ഷാഹിന, ആഷിര് , സന്ധ്യ, വിവേക് പിള്ള, നിസാർ കരുനാഗപ്പള്ളി എന്നിവര് നയിച്ച ഗാന സന്ധ്യ ചടങ്ങിന് കൊഴുപ്പേകി. സുബൈര് മുട്ടം രചനയും സംവിധാനവും നിര്വ്വഹിച്ച ഏകാംഗ നാടകത്തില് ടിക്ടോക് ഷാജി വള്ളിക്കുന്നം വേഷമിട്ടു. പ്രമുഖ ടി വി ഫെയിം ഫാസില് ഓച്ചിറയുടെ മിമിക്രി സദസ്സിനെ ഹരം കൊള്ളിച്ചു. സ്കൂള് പഠനത്തില് ഉന്നത വിജയം നേടിയ വിദ്യാര്ത്ഥികള്ക്കുള്ള പ്രശംസാ ഫലകവും വിതരണം ചെയ്തു.
Related News
