കൊച്ചി: കലാഭവന് നവാസിനെ (51) ഹോട്ടല് മുറിയില് മരിച്ച നിലയില് കണ്ടെത്തി. ചോറ്റാനിക്കരയിലെ ഒരു ഹോട്ടലില് മരിച്ച നിലയില് കണ്ടെത്തുകയായിരുന്നു. ഹൃദയാഘാതമാണ് മരണ കാരണമെന്ന് സംശയിക്കുന്നു. പ്രകമ്പനം സിനിമയുടെ ഷൂട്ടിംഗ് കഴിഞ്ഞ് ഹോട്ടലില് എത്തിയതായിരുന്നു.
മിമിക്രിതാരം, ഗായകന്, അഭിനേതാവ് എന്നീ നിലകളിലെല്ലാം ശ്രദ്ധേയനായിരുന്നു. മിമിക്രിയിലൂടെയാണ് നവാസ് മിനിസ്ക്രീനിലും സിനിമയിലും എത്തിയത്.
പ്രശസ്ത നാടക, ചലച്ചിത്ര നടനായിരുന്ന അബൂബക്കറിന്റെ മകനായി വടക്കാഞ്ചേരിയിലാണ് നവാസ് ജനിച്ചത്. മിമിക്രിയിലൂടെ കലാരംഗത്തെത്തി. കലാഭവനില് ചേര്ന്നതോടെയാണ് പ്രശസ്തിയിലേക്കുയര്ന്നത്. സിനിമകളിലും ടെലിവിഷന് പരമ്പരകളിലും ശ്രദ്ധേയ വേഷങ്ങള് അവതരിപ്പിച്ചു. 1995 ല് ചൈതന്യം എന്ന ചിത്രത്തിലൂടെയാണ് സിനിമയില് അരങ്ങേറിയത്. മാട്ടുപ്പെട്ടി മച്ചാന്, തില്ലാന തില്ലാന, മായാജാലം, ജൂനിയര് മാന്ഡ്രേക്ക്, മൈലാഞ്ചി മൊഞ്ചുള്ള വീട്, കസബ തുടങ്ങിയവയാണ് പ്രധാന ചിത്രങ്ങള്. നവാസിന്റെ സഹോദരന് നിയാസ് ബക്കറും അറിയപ്പെംടുന്ന ടെലിവിഷന്, ചലച്ചിത്ര താരമാണ്.
ചലച്ചിത്രതാരമായിരുന്ന രഹനയാണ് ഭാര്യ. മക്കള്: നഹറിന്, റിദ്വാന്, റിഹാന്.
Related News
