റിയാദ്; ഛത്തിസ്ഗഢില് മതപരിവര്ത്തനവും മനുഷ്യകടത്തും ആരോപിച്ച് കന്യാസ്ത്രീകളെ അറസ്റ്റ് ചെയ്ത് ജയിലിടച്ച സംഭവത്തില് കെ.പി.സി.സി യുടെ നേതൃത്വത്തില് ആഹ്വാനം ചെയ്ത പ്രതിഷേധത്തിന്റെ ഭാഗമായി പ്രവാസ ലോകത്തും പ്രതിഷേധങ്ങള് നടന്നു. ഒഐസിസി റിയാദ് സെന്ട്രല് കമ്മിറ്റിയുടെ നേതൃത്വത്തില് വായ മൂടികെട്ടിയാണ് പ്രതിഷേധ സംഗമം നടത്തിയത്. ബത്ഹ സബര്മതിയില് നടന്ന പരിപാടിക്ക് സെന്ട്രല് കമ്മിറ്റി പ്രസിഡന്റ് സലീം കളക്കര അധ്യക്ഷത വഹിച്ചു. പ്രതിഷേധ സംഗമം സെന്ട്രല് കമ്മിറ്റി വൈസ് പ്രസിഡന്റ് രഘുനാഥ് പറശ്ശിനിക്കടവ് ഉല്ഘാടനം ചെയ്തു.
ഭാരവാഹികളായ ഫൈസല് ബാഹസ്സന്, അബ്ദുള്ള വല്ലാഞ്ചിറ,അസ്ക്കര് കണ്ണൂര്, ഷുക്കൂര് ആലുവ, അമീര് പട്ടണത്ത്, ബാലു കുട്ടന്, സൈഫ് കായംങ്കുളം, ജോണ്സണ് മാര്ക്കോസ്, റഫീഖ് വെമ്പായം, അശ്റഫ് മേച്ചേരി, നാദിര്ഷാ റഹ്മാന്, ഹക്കീം പട്ടാമ്പി, ബഷീര് കോട്ടക്കല്, മാത്യൂസ് എറണാകുളം,നസീര് ഹനീഫ, ഉമര് ഷരീഫ് തുടങ്ങിയവര് സംസാരിച്ചു. പ്രോഗ്രാം കണ്വീനര് ഷംനാദ് കരുനാഗപള്ളി ആമുഖവും പ്രസംഗം നടത്തി. ജനറല് സെക്രട്ടറി സക്കീര് ധാനത്ത് സ്വാഗതവും, വര്ക്കിംഗ് ട്രഷറര് അബ്ദുല് കരീം കൊടുവള്ളി നന്ദിയും പറഞ്ഞു.
Related News
