റിയാദ്: ഇരുപത്തി മൂന്ന് വര്ഷത്തെ പ്രവാസജീവിതം മതിയാക്കി നാട്ടിലേക്ക് മടങ്ങുന്ന റിയാദ് ഇസ്ലാഹി സെന്റേഴ്സ് കോഡിനേഷന് കമ്മിറ്റി (ആര്.ഐ.സി.സി) പ്രവര്ത്തകന് കുഞ്ഞി മുഹമ്മദിന്് യാത്രയയപ്പ് നല്കി. ബത്ഹ ശിഫ അല്ജസീറ പോളിക്ലിനിക്കില് ജോലിചെയ്യുന്ന കുഞ്ഞിമുഹമ്മദ് ഇസ്വ്ലാഹീ പ്രബോധന പ്രവര്ത്തനങ്ങളില് സജീവമായി ഇടപെടല് നടത്താനും സമയം കണ്ടെത്തുമായിരുന്നു. മലപ്പുറം പയ്യനാട് സ്വദേശിയായ അദ്ദേഹം 10 വര്ഷത്തെ യു.എ.ഇ പ്രവസത്തിന് ശേഷമാണ് റിയാദ് ബത്ഹയിലെ ശിഫ അല്ജസീറ ക്ലിനിക്കില് എത്തുന്നത്. ചിത്രകലയില് പ്രാവീണ്യം തെളിയിച്ച അദ്ദേഹം അറബിക് കാലിഗ്രാഫി, മലയാളം, ഇംഗ്ലീഷ് സൈന് ബോര്ഡുകള് മനോഹരമായി തയാറാക്കാറുണ്ട്.
ക്ലിനിക്കില് എത്തുന്നവര്ക്ക് തങ്ങളുടെ സ്വന്തം കുഞ്ഞാക്കയുടെ പുഞ്ചിരിയും സ്നേഹാന്വേഷണങ്ങളും മായാത്ത അനുഭവങ്ങളായിരിക്കും. ആര്.ഐ.സി.സി ചെയര്മാന് ഉമര് ഫാറൂഖ് വേങ്ങര ഉപഹാരം സമര്പ്പിച്ചു. ബഷീര് കുപ്പോടന് അധ്യക്ഷത വഹിച്ച ചടങ്ങില് ഹബീബ് സ്വലാഹി മുഖ്യപ്രഭാഷണം നിര്വഹിച്ചു. യാസര് അറഫാത്ത്, ശിഹാബ് അലി, അനീസ് എടവണ്ണ തുടങ്ങിയവര്സംസാരിച്ചു.
Related News
