ജിദ്ദ: പൊതുപ്രവര്ത്തന രംഗത്ത് സ്വദേശത്തും വിദേശത്തും മികവ് പുലര്ത്തി തന്റേതായ വ്യക്തി മുദ്ര പതിപ്പിച്ച മജീദ് അഞ്ചച്ചവിടിയെ ജന്മനാട് ആദരിച്ചു, ജീവകാരുണ്യ മേഖലയില് ഒട്ടേറെ സേവനങ്ങള് ചെയ്യാന് നേതൃപരമായ പങ്ക് വഹിച്ച ജിദ്ദ ഇന്തോമി ജീവനക്കാരനായ മജീദിനെ ജന്മനാടിന്റെ ആദരവിന് വഴിയൊരിക്കയത് അഞ്ചച്ചവടി നാഷണല് സ്പോട്സ് കമ്മിറ്റിയാണ്. ജോലിക്കിടയിലും ഒഴിവ് കിട്ടുന്ന കുറഞ്ഞ പ്രയാസപ്പെടുന്ന പ്രവാസികള്ക്കും നാട്ടുകാര്ക്കും വേണ്ടി സഹായ സേവനത്തിന് വേണ്ടി സന്നദ്ധനാകുന്ന മജീദിന്റെ പ്രവര്ത്തനം ശ്ലാഘനീയമാണെന്ന് ആദരവ് ചടങ്ങില് പ്രാസംഗികര് പറഞ്ഞു.
മലപ്പുറം ജില്ലാ പഞ്ചായത്ത് മെമ്പര്, വി.പി. ജെസീറ ഉദ്ഘാടനം ചെയ്തു. ക്ലബ്ബ് പ്രസിഡണ്ട് മിര്ഷാദ് മൂച്ചിക്കല് അധ്യക്ഷത വഹിച്ചു. മോട്ടിവേഷന് ട്രെയിനര് ഹക്കീം മാസ്റ്റര് പുല്പ്പറ്റ, എ.പി. ഇസ്മയില്, പി.കെ. ഷുക്കൂര് എന്നിവര് പ്രസംഗിച്ചു, സെമീര് പൊട്ടെങ്ങല് സ്വാഗതവും അബ്ദുറഹ്മാന് അഞ്ചച്ചവിടി നന്ദിയും പറഞ്ഞു. തനിക്ക് ആദരവ് നല്കിയ ക്ലബ്ബ് പ്രവര്ത്തകര്ക്കും നാട്ടുകാര്ക്കും മജീദ് നന്ദി രേഖപ്പെടുത്തി.
Related News
