റിയാദ്: സൗദി അറേബ്യയുടെ വ്യാവസായിക ഉത്പാദന സൂചിക ജൂണ്‍ മാസത്തില്‍ 7.9% വര്‍ദ്ധനവ് രേഖപ്പെടുത്തി. ഖനനം, ഉത്പാദനം, വൈദ്യുതി, വാതകം, നീരാവി, എയര്‍ കണ്ടീഷനിംഗ് വിതരണം, ജലവിതരണം, ശുചീകരണം, മാലിന്യ സംസ്‌കരണം എന്നിവയിലെ വര്‍ദ്ധനവാണ് ഈ വളര്‍ച്ചയ്ക്ക് പ്രധാന കാരണം.

സൗദി അറേബ്യയിലെ ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്സിന്റെ കണക്കനുസരിച്ച്, ഖനന, ക്വാറി മേഖലയുടെ ഉപസൂചിക മുന്‍വര്‍ഷത്തെ അപേക്ഷിച്ച് 6% ഉയര്‍ന്നു. കഴിഞ്ഞ വര്‍ഷം ഇതേ മാസത്തെ 8.83 ദശലക്ഷം ബാരലുമായി താരതമ്യം ചെയ്യുമ്പോള്‍ ജൂണില്‍ എണ്ണ ഉത്പാദനം പ്രതിദിനം 9.36 ദശലക്ഷം ബാരലായി ഉയര്‍ന്നതാണ് ഈ വര്‍ദ്ധനവിന് കാരണം.