കൊച്ചി: പത്രപ്രവര്ത്തകര് നേരിടുന്ന പ്രശ്നങ്ങള് കേന്ദ്ര-സംസ്ഥാന സര്ക്കാരുകളുടെ ശ്രദ്ധയില് കൊണ്ടുവരുമെന്ന് കേരളത്തിന്റെ ഡല്ഹി പ്രതിനിധി പ്രൊഫ. കെ.വി തോമസ് പറഞ്ഞു. തൊഴിലിടങ്ങളില് നേരിടുന്ന വെല്ലുവിളികള്, മുതിര്ന്ന പത്രപ്രവര്ത്തകര് നേരിടുന്ന ആരോഗ്യപ്രശ്നങ്ങള് തുടങ്ങിയ കാര്യങ്ങളില് സര്ക്കാരുകളുടെ ഉദാരമായ നിലപാടുകള് ഉണ്ടാവേണ്ടതുണ്ട്. ഇക്കാര്യങ്ങളില് പരമാവധി ഇടപെടല് നടത്തുമെന്നും അദ്ദേഹം പറഞ്ഞു. സീനിയര് ജേര്ണലിസ്റ്റ് യൂണിയന് ജില്ലാ സമ്മേളനം എറണാകുളം പ്രസ്സ്ക്ലബ്ബില് ഉദ്ഘാടനം ചെയ്യുകയായിരുന്നു അദ്ദേഹം.
ചടങ്ങില് ജില്ലാ പ്രസിഡന്റ് കെ.കെ ഗോപാലന് അധ്യക്ഷത വഹിച്ചു. സംസ്ഥാന ജനറല്സെക്രട്ടറി വി.ആര് രാജ്മോഹന്, മുതിര്ന്ന നേതാക്കളായ കെ.ജി ജ്യോതിര്ഘോഷ്, എം.എച്ഛ്.എം അഷ്റഫ്, എന് ബാലകൃഷ്ണന്, വി.വി വേണുഗോപാല്, പി. പി മാത്യു, രാമഭദ്രന് പിള്ള, എം.എന് ഉണ്ണികൃഷ്ണന് എന്നിവര് പ്രസംഗിച്ചു. സെക്രട്ടറി അബ്ദുല്ല മട്ടാഞ്ചേരി സ്വാഗതവും ട്രഷറര് റോബര്ട്ട് ലിവരോ നന്ദിയും പറഞ്ഞു.
Related News
