പള്ളുരുത്തി: മാനവീകം പള്ളുരുത്തിയും നഗരസഭ 20-ീ ഡിവിഷനും സംയുക്കമായി പ്രതിഭാ സംഗമവും പുരസ്ക്കാര സമര്പ്പണവും നടത്തി.
കല്ലുച്ചിറ മിയ ഗാര്ഡനില് നടന്ന ചടങ്ങ് മേയര് എം. അനില്കുമാര് ഉദ്ഘാടനം ചെയ്തു. മികച്ച പ്രവര്ത്തനം കാഴ്ചവെച്ച 10 സാമൂഹിക കലാ സാംസ്കാരിക പ്രവര്ത്തകരെയും വിജയം നേടിയ വിദ്യാര്ത്ഥികളെയുമാണ് ആദരിച്ചത്. ഡിവിഷന് കൗണ്സിലര് പി.എസ് വിജു അധ്യക്ഷത വഹിച്ചു.
നഗരസഭ വിദ്യാഭ്യാസ സ്ഥിരംസമിതി അധ്യക്ഷന് വി.എ ശ്രീജിത്ത്, കൗണ്സിലര് പി.ആര് രചന, എറണാകുളം ഡെപ്യൂട്ടി കളക്ടര് സുനില് മാത്യു, പ്രഭാഷകന് എം വി ബെന്നി, തോപ്പുംപടി സെയിന്റ് സെബാസ്റ്റ്യന്സ് ഹയര്സെക്കന്ററി സ്കൂള് പ്രിന്സിപ്പല് സ്മിത അലോഷ്യസ്, പത്രപ്രവര്ത്തകരായ അബ്ദുല്ല മട്ടാഞ്ചേരി, വി.പി ശ്രീലന്, പി.എം.എസ്സി ബാങ്ക് ഡയറക്ടര് ബോര്ഡ് അംഗം സി.ആര് ബിജു എ.ഡി.എസ് ചെയര്പേഴ്സണ് പ്രസന്ന പ്രദീപ് എന്നിവര് പ്രസംഗിച്ചു.
എസ്.ഡി.പി.വൈ ഹയര്സെക്കന്ററി സ്കൂള് അധ്യാപിക സുലഭഷാജി സ്വാഗതവും മാനവീകം വൈസ്ചെയര്മാന് കെ.എ മധു നന്ദിയും പറഞ്ഞു.
Related News
