റിയാദ്: യാതന അനുഭവിക്കുന്ന ഫലസ്തീന് ജനതയുടെ സമാധാനത്തിനു വേണ്ടി ഇന്ത്യന് കള്ച്ചറല് ഫൗണ്ടേഷന് (ഐസി എഫ്) പ്രാര്ത്ഥനാ സംഗമം നടത്തി. മാസങ്ങളായി പിഞ്ചു കുഞ്ഞുങ്ങളേയും സ്ത്രീകളെയുമടക്കം പട്ടിണിക്കിടുകയും ചികിത്സ നിഷേധിക്കുകയും ചെയ്യുകയും അങ്ങേയറ്റം നരകയാതന അനുഭവിക്കുന്ന നിരാലംബരുടെ നേരെ നിര്ദാക്ഷിണ്യം വെടിയുതിര്ക്കുന്ന ക്രൂരതകളാണ് ഗസയില് ഇസ്രായേല് നടത്തിക്കൊണ്ടിരിക്കുന്നത്. എല്ലാ അന്താരാഷ്ട്ര മാനദണ്ഡങ്ങളും മാനവിക മൂല്യങ്ങളും കാറ്റില് പറത്തി കഴിഞ്ഞ 22 മാസമായി ഇസ്രായേല് ഗാസയില് കിരാതമായ ആക്രമണം തുടരുക മാത്രമല്ല ലോകത്തുള്ള എല്ലാ മനുഷ്യ സ്നേഹികളെയും വെല്ലുവിളിച്ചു കൊണ്ട് വംശഹത്യയുടെ പരീക്ഷണശാലയായി ഗാസയെ രൂപാന്തരപ്പെടുത്തിക്കൊണ്ടിരിക്കുകയാണ്.
ഇസ്രായേലിന്റെ ഇത്തരം മനുഷ്യത്വ വിരുദ്ധതക്ക് എതിരെ ലോക മനസ്സാക്ഷി ഉണര്ത്തുന്നതിന് വേണ്ടി കാന്തപുരം എ പി അബൂബക്കര് മുസ്ലിയാരുടെ അഹ്വാനപ്രകാരമാണ് ഐഎസ്എഫ് പ്രാര്ത്ഥനാ സംഗമം നടത്തിയത്. ബത്ത അല് മാസ് ഓഡിറ്റോറിയത്തില് നടന്ന പ്രാര്ത്ഥനാ സംഗമത്തിന് ഐ സി എഫ് റീജിയന് പ്രസിഡെന്റ് ഒളമതില് മുഹമ്മദ് കുട്ടി സഖാഫി നേതൃത്വം നല്കി.
