റിയാദ്: ഇന്ത്യയുടെ 79ാം സ്വാതന്ത്ര്യദിനാഘോഷം റിയാദ് ഇന്ത്യന്് എംബസി അങ്കണത്തില് വിപുലമായി ആഘോഷിച്ചു, അംബാസഡര് ഡോ. സുഹൈല് അജാസ് ഖാന് പതാക ഉയര്ത്തിയതോടെയാണ് ആഘോഷം ആരംഭിച്ചത്. മഹാത്മാ ഗാന്ധിജിയുടെ പ്രതിമയില് പുഷ്പാര്ച്ചന നടത്തി. തുടര്ന്ന് അംബാസഡര് രാഷ്ട്രപതിയുടെ സന്ദേശം വായിച്ചു.
ഇന്ത്യ സൗദി അറേബ്യ ബന്ധം ശക്തിപ്പെടുന്നതിനെക്കുറിച്ചും, അതിനെ കൂടുതല് ജീവശക്തിയോടെ മുന്നോട്ട് കൊണ്ടുപോകുന്നതില് പ്രവാസി ഇന്ത്യന് സമൂഹത്തിന്റെ പ്രധാന പങ്കും അംബാസഡര് പങ്കുവെച്ചു. ഇന്ത്യന് പ്രവാസികള്ക്ക് ആശംസകള് അറിയിക്കുകയും ചെയ്തു.
സാംസ്ക്കാരിക പരിപാടികളില്, എംബസി സ്കൂള് വിദ്യാര്തഥികള് ദേശഭക്തിഗാനങ്ങളും ക്ലാസിക്കല് നൃത്തങ്ങളും അവതരിപ്പിച്ചു. സ്വാതന്ത്ര്യദിനത്തോടനുബന്ധിച്ച്, എംബസി ഉദ്യോഗസ്ഥരും അവരുടെ കുടുംബാംഗങ്ങളും ഇന്ത്യന് സമൂഹാംഗങ്ങളും ചേര്ന്ന് 'ഹര് ഘര് തിരംഗ' കാമ്പയിനില് പങ്കെടുത്തു. അതിലൂടെ ദേശീയ പതാകയോടുള്ള അഭിമാനവും ദേശസ്നേഹവും പ്രകടിപ്പിച്ചു. ഇന്ത്യന് എംബസി ഉദ്യോഗസ്ഥര്, മാധ്യമ പ്രവര്ത്തകര്, ഇന്ത്യന് കമ്മ്യൂണിറ്റി അംഗങ്ങള് എന്നിവരുള്പ്പെടെ ആയിരത്തോളം പേര് ആഘോഷ പരിപാടികളില് പങ്കാളികളായി.
