കൊച്ചി: ഇന്ന് ചിങ്ങം ഒന്ന്. പുതിയ പ്രതീക്ഷകളോടെ പൊന്നിന്‍ പുലരിയെ വരവേല്‍ക്കുകയാണ് മലയാളികള്‍. ഐശ്വര്യവും സമൃദ്ധിയും നിറയുന്ന നാളുകളിലേക്ക് മലയാളികള്‍ കാല്‍വയ്ക്കുന്ന ദിവസം. കര്‍ക്കടക വറുതിയുടെ നാളുകള്‍ പിന്നിട്ട് ഓണത്തെ വരവേല്‍ക്കാനായി ഇന്നുമുതല്‍ നാടും നഗരവും ഒരുങ്ങും. ഇിയുള്ള ദിവസങ്ങളില്‍ മലയാളികള്‍ ഓണാഘോഷ ലഹരിയിലായിരിക്കും. കൊല്ലവര്‍ഷത്തിന്റെ ആദ്യ ദിവസമായതിനാല്‍ മലയാളികള്‍ക്ക് ഈ ദിവസം പുതുവര്‍ഷാരംഭം കൂടിയാണ്.