മനാമ: ഒമാനിലെ സലാലയില്‍ സാംഹാന്‍ പര്‍വതത്തില്‍നിന്ന് വീണ് മരിച്ച സൗദി പൗരന്റെ മരണത്തെക്കുറിച്ച് അന്വേഷണം ആരംഭിച്ചതായി ഒമാനിലെ സൗദി അറേബ്യന്‍ എംബസി അറിയിച്ചു.

മൃതദേഹം സൗദി അറേബ്യയിലേക്ക് കൊണ്ടുപോകുന്നതിനുള്ള നിയമനടപടികള്‍ പൂര്‍ത്തിയാക്കാന്‍ ഒമാന്‍ അധികാരികളുമായി എംബസി ഏകോപിച്ച് പ്രവര്‍ത്തിക്കുന്നുണ്ടെന്ന് പ്രസ്താവനയില്‍ അറിയിച്ചു. മരിച്ച വ്യക്തിയുടെ കുടുംബത്തിന്റെ ദുഃഖത്തില്‍ പങ്കുചേരുന്നു എന്നും എംബസി കൂട്ടിച്ചേര്‍ത്തു.