മനാമ: ചൊവ്വാഴ്ച ഏഷ്യന്‍ വിപണികളില്‍ എണ്ണവില കുറഞ്ഞു. റഷ്യ-യുക്രെയ്ന്‍ യുദ്ധം അവസാനിപ്പിക്കുന്നതിനായി മോസ്‌കോ, കിയവ്, വാഷിംഗ്ടണ്‍ എന്നിവിടങ്ങളില്‍ നടക്കാനിരിക്കുന്ന ത്രികക്ഷി ചര്‍ച്ചകളാണ് ഇതിന് പ്രധാന കാരണം. ഇത് റഷ്യന്‍ ക്രൂഡിന് ഏര്‍പ്പെടുത്തിയ ഉപരോധങ്ങള്‍ അവസാനിപ്പിക്കുന്നതിലേക്ക് നയിച്ചേക്കുമെന്ന പ്രതീക്ഷയാണ് വില കുറയാന്‍ കാരണം.

ബ്രെന്റ് ക്രൂഡ് ഫ്യൂച്ചേഴ്‌സ് ബാരലിന് 66.53 ഡോളറായി കുറഞ്ഞു. 0.11 ശതമാനം ഇടിവാണ് രേഖപ്പെടുത്തിയത്. അതേസമയം, യുഎസ് വെസ്റ്റ് ടെക്‌സസ് ഇന്റര്‍മീഡിയേറ്റ് (ഡബ്ല്യുടിഐ) ക്രൂഡ് ഫ്യൂച്ചേഴ്‌സ് 0.09 ശതമാനം കുറഞ്ഞ് ബാരലിന് 63.36 ഡോളറിലെത്തി. ഒക്ടോബര്‍ ഡെലിവറിക്കുള്ള യുഎസ് ക്രൂഡ് ഫ്യൂച്ചേഴ്‌സ് ബാരലിന് 62.61 ഡോളറായി കുറഞ്ഞു. കഴിഞ്ഞ ദിവസത്തെ വ്യാപാരത്തില്‍ എണ്ണവില ഒരു ശതമാനത്തോളം വര്‍ധിച്ചിരുന്നു.