റിയാദ്: വിദേശ യാത്രകള്ക്ക് വിമാന കമ്പനികള് തിരക്ക് അനുസരിച്ച് ഈടാക്കുന്ന അമിതമായ ടിക്കറ്റ് വര്ദ്ധന നിയന്ത്രിക്കാന് കേന്ദ്ര സര്ക്കാര് ഇടപെടണമെന്ന് പ്രവാസി ലീഗല് സൗദി അറേബ്യന് ചാപ്റ്ററിന്റെ കോഡിനേറ്റര് പീറ്റര് വര്ഗ്ഗീസ് ആവശ്യപ്പെട്ടു. വിദേശ രാജ്യങ്ങളിലേക്ക് സ്കൂള് അവിധിക്ക്ശേഷം തിരികെ വരുന്നവരെയും ഓണത്തിന് അവിധിക്ക് പോകുന്നവരെയും ലക്ഷ്യമാക്കി അമിതമായ തുകയാണ് വിമാനക്കമ്പനികള് വാങ്ങുന്നത്. പ്രവാസികളെ കൊള്ളഅടിക്കുന്ന വിമാനക്കമ്പനികളെ നിയന്ത്രിക്കാന് ശക്തമായ നടപടികള് സ്വീകരിക്കേണ്ടത് കേന്ദ്രസര്ക്കാരാണ്. വിദേശ യാത്രകള്ക്ക് ന്യായമായ തുക മാത്രം ഈടാക്കാനും അമിതമായി ടിക്കറ്റ് നിരക്ക് വര്ദ്ധിപ്പിക്കുന്ന വിമാനക്കമ്പനികള്ക്ക് എതിരെ നിയമ നടപടി സ്വീകരിക്കാന് കേന്ദ്രസര്ക്കാരിനോട് പീറ്റര് വര്ഗ്ഗീസ് ആവശ്യപ്പെട്ടു. പിഎല്സി ഗ്ലോബല് മീറ്റില് ഇന്ത്യന് പ്രവാസികള് നേരിടുന്ന വെല്ലുവിളികള് എന്ന വിഷയത്തില് പ്രവാസികള് നേരിടുന്ന വിവിധ പ്രശ്നങ്ങള് ചര്ച്ച ചെയ്തു.
Related News
