റിയാദ്: മസാജ് സെന്ററിനുള്ളില് അനാശാസ്യ പ്രവര്ത്തനങ്ങളില് ഏര്പ്പെട്ട വിദേശിയെ റിയാദ് പോലീസ് അറസ്റ്റ് ചെയ്തു.
കമ്മ്യൂണിറ്റി സെക്യൂരിറ്റി, ഹ്യൂമന് ട്രാഫിക്കിങ് വിരുദ്ധ ജനറല് ഡിപ്പാര്ട്ട്മെന്റുമായി സഹകരിച്ചാണ് പോലീസ് ഇയാളെ പിടികൂടിയത്. അറസ്റ്റിലായ ഇയാള്ക്കെതിരെ നിയമനടപടികള് സ്വീകരിച്ചതായും പബ്ലിക് പ്രോസിക്യൂഷന് കൈമാറിയതായും പോലീസ് അറിയിച്ചു.
മസാജ് സെന്ററിനെതിരെ മുനിസിപ്പല് നടപടികളും പൂര്ത്തിയാക്കി. മേഖലയിലെ സെക്രട്ടേറിയറ്റ് നിശ്ചയിച്ച പിഴ ചുമത്തി.
പൊതുസമൂഹത്തിന്റെ ധാര്മ്മികതയ്ക്ക് വിരുദ്ധമായതോ നിയമവിരുദ്ധമായതോ ആയ ഏതൊരു പ്രവര്ത്തനങ്ങളും നിരീക്ഷിക്കുന്നതിനും കണ്ടെത്തുന്നതിനും ശ്രമങ്ങള് തുടരുമെന്ന് സുരക്ഷാ ഉദ്യോഗസ്ഥര് അറിയിച്ചു. കുറ്റവാളികള്ക്കെതിരെ ആവശ്യമായ നടപടികള് സ്വീകരിച്ച് സമൂഹത്തെ സംരക്ഷിക്കുകയും അതിന്റെ സുരക്ഷയും സ്ഥിരതയും വര്ദ്ധിപ്പിക്കുകയും ചെയ്യുമെന്നും അവര് വ്യക്തമാക്കി.
Related News
