കുവൈത്ത് സിറ്റി: കുവൈത്ത് എയര്വേയ്സും കുവൈത്ത് ടെലികമ്മ്യൂണിക്കേഷന്സ് കമ്പനി(എസ്ടിസി)യും ടെലികമ്മ്യൂണിക്കേഷന്സ്, വ്യോമയാനം, സാങ്കേതികവിദ്യ എന്നീ മേഖലകളിലെ സഹകരണം ശക്തിപ്പെടുത്തുന്നതിന് ധാരണാ പത്രം ഒപ്പുവെച്ചു. പൊതു, സ്വകാര്യ മേഖലകളുമായുള്ള പങ്കാളിത്തം വികസിപ്പിക്കുന്നതിന്റെ ഭാഗമായാണ് എസ്.ടി.സിയുമായുള്ള കരാറെന്ന് കുവൈത്ത് എയര്വേയ്സ് ചെയര്മാന് അബ്ദുല് മൊഹ്സെന് അല് ഫഗാന് പറഞ്ഞു. വ്യോമഗതാഗതം, വിവരസാങ്കേതികവിദ്യ, നിര്മിതബുദ്ധി എന്നിവയുള്പ്പെടെയുള്ള മേഖലകളിലേക്ക് സഹകരണം വ്യാപിപ്പിക്കുമെന്നും അദ്ദേഹം പറഞ്ഞു.
സാങ്കേതിക വൈദഗ്ധ്യം കൈമാറ്റം ചെയ്യുന്നതിനും ഡിജിറ്റല് സംവിധാനങ്ങളുടെ വികസനത്തിനും നൂതന ആശയവിനിമയ പരിഹാരങ്ങള്ക്കും കരാര് വ്യവസ്ഥ ചെയ്യുന്നു. കുവൈത്ത് എയര്വേസ് ജീവനക്കാര്ക്കായി പ്രവര്ത്തന കാര്യക്ഷമതയും സേവന നിലവാരവും മെച്ചപ്പെടുത്തുന്നതിനുള്ള പരിശീലന പരിപാടികളും ഇതില് ഉള്പ്പെടുന്നു. രണ്ട് കമ്പനികളുടെയും ഉപഭോക്താക്കള്ക്ക് പ്രത്യേക ആനുകൂല്യങ്ങള് ലഭിക്കും. കൂടാതെ, എയര്ലൈനിന്റെ ഒയാസിസ് ക്ലബ് കാര്ഡ് എസ്.ടി.സി ക്ലയന്റുകള്ക്ക് ലഭ്യമാക്കും. കരാര് കുവൈത്തിന്റെ ഡിജിറ്റല് പരിവര്ത്തനം വേഗത്തിലാക്കാനുള്ള ചുവടുവെപ്പാണെന്ന് എസ്.ടി.സി ചീഫ് എക്സിക്യൂട്ടീവ് ഓഫീസര് മൊആതാസ് അല് ദറാബ് പറഞ്ഞു.
Related News
