.jpg)
ദമ്മാം: അവധി കഴിഞ്ഞ് തിരിച്ചെത്തിയ പിറ്റേ ദിവസം വര്ക്കല സ്വദേശി താമസ സ്ഥലത്ത് മരിച്ച നിലയില് കണ്ടെത്തി. തിരുവനതപുരം വര്ക്കല ഇടവ ശ്രീഎയ്ത്ത് സ്വദേശി വാഴമ്മ വീട്ടില് സനീര് സിറാജ് (43) ആണ് മരിച്ചത്. ഹൃദയാഘാതമാണ് മരണ കാരണമെന്ന് സംശയിക്കുന്നു. ശനിയാഴ്ച പുലര്ച്ചെയാണ് ഇദ്ദേഹം നാട്ടില് നിന്ന് തിരിച്ചെത്തിയത്.
രണ്ട് വര്ഷമായി ദമ്മാമില് ഹൗസ് ഡ്രൈവറായി ജോലി ചെയ്തുവരികയാണ്. മൃതദേഹം ദമ്മാം സെന്ട്രല് ആശുപത്രി മോര്ച്ചറിയില്. നടപടിക്രമങ്ങള്ക്കു ശേഷം മൃതദേഹം ദമ്മാമില് ഖബറടക്കുമെന്ന് ബന്ധുക്കള് അറിയിച്ചു. സാമൂഹിക പ്രവര്ത്തകന് ഷാജി വയനാടിന്റെ നേതൃത്വത്തില് നടപടികള് പൂര്ത്തിയാക്കി വരുന്നു.
Related News
