ദുബായ്: നബിദിനം പ്രമാണച്ച് യുഎഇ സെപ്റ്റംബര്‍ 5-ന് സ്വകാര്യ മേഖല ജീവനക്കാര്‍ക്കും പൊതു അവധി പ്രഖ്യാപിച്ചു. നേരത്തെ, സര്‍ക്കാര്‍ ജീവനക്കാര്‍ക്കും സെപ്റ്റംബര്‍ 5 പൊതു അവധിയായി പ്രഖ്യാപിച്ചിരുന്നു. ഇത് വാരാന്ത്യ അവധിക്കൊപ്പം (ശനി, ഞായര്‍) മൂന്ന് ദിവസത്തെ നീണ്ട അവധിക്ക് വഴിയൊരുക്കും.

റബി അല്‍ അവ്വല്‍ മാസപ്പിറവി കാണാത്തതിനെ തുടര്‍ന്നാണ് യുഎഇയില്‍ സഫര്‍ മാസം 30 ദിവസമായി കണക്കാക്കിയത്. അതിനാല്‍ ഹിജ്റ കലണ്ടറിലെ മൂന്നാം മാസം ഇന്നലെ ആരംഭിച്ചു. അതുകൊണ്ടാണ് റബീഉല്‍ അവ്വല്‍ 12 സെപ്റ്റംബര്‍ 5-ന് വരുന്നത്. ഈ വര്‍ഷം സൗദിയും യുഎഇയും രണ്ടു ദിവസങ്ങളിലാണ് പ്രവാചകന്റെ ജന്മദിനം ആഘോഷിക്കുന്നത്. യുഎഇയെക്കാള്‍ ഒരു ദിവസം മുന്‍പാണ് സൗദി മാസപ്പിറവി കണ്ടത്. ഓരോ ഹിജ്റ മാസത്തിലെയും 29-ാം ദിവസം യുഎഇയിലെ മാസപ്പിറവി കമ്മിറ്റി അടുത്ത ഇസ്ലാമിക മാസം പ്രഖ്യാപിക്കാന്‍ യോഗം ചേരാറുണ്ട്. അതുപ്രകാരം യോഗം ചേര്‍ന്ന് 29ന് മാസപ്പിറവി കാണാതിരുന്നതിനാലാണ് സഫര്‍ മാസം 30 പൂര്‍്ത്തിയാക്കി അബീഉല്‍ അവ്വല്‍ തുടങ്ങിയത്.