ദുബായ്: എ.ഐയുടെ സഹായത്തോടെ നിര്മിക്കുന്ന സിനിമകള്ക്കായി ദുബായില് മത്സരം സംഘടിപ്പിക്കുന്നു. പത്ത് ലക്ഷം യു.എസ്. ഡോളര് അഥവാ എട്ടേമുക്കാല് കോടി രൂപയാണ് മികച്ച എ.ഐ. സിനിമക്കുള്ള സമ്മാനത്തുക. ലോകത്തെ ഏറ്റവും ഉയര്ന്ന സമ്മാനതുകയുള്ള എ.ഐ. സിനിമാ അവാര്ഡാണിത്. അടുത്ത വര്ഷം ജനുവരിയില് ദുബായ് ഗവണ്മെന്റ് മീഡിയ ഓഫിസ് സംഘടിപ്പിക്കുന്ന വണ് ബില്യണ് ഫോളോവേഴ്സ് സമ്മിറ്റിന്റെ ഭാഗമായി ഗൂഗ്ള് ജെമിനിയുമായി കൈകോര്ത്താണ് എ.ഐ സിനിമാ നിര്മാണ മത്സരം ഒരുക്കുന്നത്.
വണ് ബില്യന് ഫോളോവേഴ്സ് സമ്മിറ്റിന്റംെ വേദിയില് സമ്മാന ജേതാക്കളെ പ്രഖ്യാപിക്കും. തെരഞ്ഞെടുക്കപ്പെടുന്ന പത്ത് സിനിമകള് ഉച്ചകോടിയുടെ വേദിയില് പ്രദര്ശിപ്പിക്കും. ഇത് വിലയിരുത്തിയാകും ജേതാവിനെ പ്രഖ്യാപിക്കുക. ഇത്തരം സിനിമകള് സമൂഹത്തിന് പകര്ന്നു നല്കേണ്ട മാനുഷികമായ സന്ദേശം കൂടി ആധാരമാക്കിയാകും അവാര്ഡ് നിര്ണയം. മത്സരത്തിന്റെ കൂടുതല് വിവരങ്ങള് അടുത്തദിവസം പുറത്തുവിടും. 'ഉള്ളടക്കം നന്മക്ക്' എന്നതാണ് ഇത്തണ വണ് ബില്യണ് ഫോളോഴ്സ് സമ്മിറ്റിന്റെ വിഷയം.
Related News
