ജിദ്ദ: ലിബറലിസത്തിന്റെ കരിമുകിലിനാല്‍ ധാര്‍മികതയുടെ പ്രകാശം നഷ്ടമാകുന്ന സമകാലിക സാഹചര്യത്തില്‍, പുതിയ തലമുറയ്ക്ക് ധാര്‍മികതയുടെ വെളിച്ചം നല്‍കാന്‍ 'കണ്‍ടിന്യുസ് റിലിജിയസ് എഡ്യൂക്കേഷന്‍' (സി.ആര്‍.ഇ) കോഴ്‌സ് ഈ വരുന്ന സെപ്റ്റംബര്‍ 12-ന് വെള്ളിയാഴ്ച ആരംഭിക്കുന്നതായി ജിദ്ദ ഇന്ത്യന്‍ ഇസ്ലാഹി സെന്റര്‍ ഭാരവാഹികള്‍ അറിയിച്ചു.

13 വയസ്സും അതിനു മുകളിലുമുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കുമായി സജ്ജമാക്കിയ ഈ പാഠ്യപദ്ധതിയില്‍ ഇസ്ലാമിന്റെ അടിത്തറ, പ്രായോഗികത, ചരിത്രം, സ്വഭാവം എന്നിവയും അതുമായി ബന്ധപ്പെട്ട സംശയനിവാരണവും ആക്ടിവിറ്റികളും ഉള്‍ക്കൊള്ളുന്നു. ക്ലാസുകള്‍ എല്ലാ വെള്ളിയാഴ്ചയും ഉച്ചക്ക് ശേഷം 2:30 മുതല്‍ വൈകീട്ട് 4:00 മണിവരെ നടത്തപ്പെടും. വിദ്യാര്‍ത്ഥികളുടെ പഠന നിലവാരം മെച്ചപ്പെടുത്തുന്നതിന് അവര്‍ക്ക് ആവശ്യമായ ഉപദേശ - നിര്‍ദ്ദേശങ്ങള്‍ നല്‍കുന്നതിനുള്ള പ്രത്യേകം മെന്റേഴ്‌സും ഉണ്ടായിരിക്കുന്നതാണ്.

ജിദ്ദ ഇന്ത്യന്‍ ഇസ്ലാഹി സെന്ററിന്റെ കീഴില്‍ പ്രവര്‍ത്തിക്കുന്ന ശൈഖുല്‍ ഇസ്ലാം ഇബ്‌നു തൈമിയ മദ്രസയിലെ കുട്ടികള്‍ക്ക് പ്രവേശനം അനുവദിക്കില്ല. അതേസമയം, മറ്റ് കുട്ടികള്‍ക്ക് ഗൂഗിള്‍ ഫോം ഉപയോഗിച്ച് രജിസ്റ്റര്‍ ചെയ്യാവുന്നതാണ്.

അതിരുകളില്ലാത്ത സ്വാതന്ത്ര്യത്തിന്റെ മായാലോകത്തില്‍ ലഹരികള്‍ക്കും നവനാസ്തിക ചിന്തകള്‍ക്കും ജന്‍ഡര്‍ ന്യൂട്രല്‍ ആശയങ്ങള്‍ക്കും അടിമപ്പെടാതെ തങ്ങളുടെ മക്കളെ സുരക്ഷിതരാക്കാന്‍ ആഗ്രഹിക്കുന്ന എല്ലാ രക്ഷിതാക്കള്‍ക്കും ഇതൊരു സുവര്‍ണ്ണാവസരമാണെന്ന് ഭാരവാഹികള്‍ അഭിപ്രായപ്പെട്ടു.

കൂടുതല്‍ വിവരങ്ങള്‍ക്ക്, ജിദ്ദ ഇന്ത്യന്‍ ഇസ്ലാഹി സെന്ററുമായി ബന്ധപ്പെടുക. ഫോണ്‍ : 0572626406, 0535569223