ന്യൂഡല്ഹി: ഡല്ഹിയില് നിന്ന് ഇന്ഡോറിലേക്ക് പറന്ന എയര് ഇന്ത്യ വിമാനം സാങ്കേതിക തകരാറിനെ തുടര്ന്ന് അടിയന്തര ലാന്ഡിങ് നടത്തി. വലതുവശത്തെ എഞ്ചിനില് തീപടര്ന്നതായി സിഗ്നല് ലഭിച്ചതിനെ തുടര്ന്നാണ് വിമാനം തിരിച്ചിറക്കിയത്. വിമാനം മറ്റു അപകടങ്ങളൊന്നുമില്ലാതെ ലാന്റിംഗ് നടത്തി, യാത്രക്കാരെല്ലാം സുരക്ഷിതരാണ്.
യാത്രക്കാരെ മറ്റൊരു വിമാനത്തില് ഇന്ഡോറിലെത്തിച്ചതായി എയര് ഇന്ത്യ അറിയിച്ചു. ഇന്ന് രാവിലെയാണ് വിമാനം ഡല്ഹിയില് നിന്ന് ഇന്ഡോറിലേക്ക് തിരിച്ചത്. യാത്ര പുറപ്പെട്ട ഉടന് വലതുവശത്തെ എഞ്ചിനില് തീപടര്ന്നതായി സിഗ്നല് ലഭിക്കുകയായിരുന്നു. തിരിച്ചിറക്കിയ ശേഷം വിമാനത്തില് വിശദമായ പരിശോധന തുടരുകയാണ്. തീപിടിക്കാനുള്ള കാരണം സ്ഥിരീകരിച്ചിട്ടില്ല.
Related News
