റിയാദ്: കെഎംസിസി റിയാദ് സെന്‍ട്രല്‍ കമ്മിറ്റിയുടെ കുടുംബ സുരക്ഷാ പദ്ധതി കാമ്പയിന്റെ ഭാഗമായി കെഎംസിസി മുസാഹ്‌മിയ ഏരിയ കമ്മിറ്റി വിപുലമായ കണ്‍വെന്‍ഷന്‍ നടത്തി. മുസാഹ്‌മിയ ഏരിയ കെഎംസിസി പ്രസിഡണ്ട് ഇബ്രാഹിം വാഴമ്പുറം അധ്യക്ഷത വഹിച്ചു. റിയാദ് കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി ഷുഹൈബ് പനങ്ങാങ്ങര ഉദ്ഘാടനം ചെയ്തു.

സെന്‍ട്രല്‍ കമ്മിറ്റി ഓര്‍ഗനൈസിംഗ് സെക്രട്ടറി സത്താര്‍ താമരത്ത് മുഖ്യ പ്രഭാഷണം നടത്തി. ആഗോള തലത്തില്‍ കെഎംസിസിയുടെ പ്രസക്തിയെ കുറിച്ചും സമകാലിക രാഷ്ട്രീയ സംഭവവികാസങ്ങളെ കുറിച്ചും വിശദീകരിച്ചു. അഡ്വക്കറ്റ് അനീര്‍ ബാബു, കുടുംബ സുരക്ഷ പദ്ധതി കണ്‍വീനര്‍ സിറാജ് മേടപ്പില്‍, ചെയര്‍മാന്‍ കുഞ്ഞലവി ഹാജി ട്രഷര്‍ ആബിദ് പുത്തൂര്‍ വര്‍ക്കിംഗ് പ്രസിഡണ്ട് ഹബീബ് ഉള്ളണം പ്രസംഗിച്ചു ആശംസകള്‍ അറിയിച്ചു. മുസാഹ്‌മിയ കെഎംസിസി ജനറല്‍ സെക്രട്ടറി സുബൈര്‍ സ്വാഗതവും വര്‍ക്കിംഗ് സെക്രട്ടറി ഷാഹുല്‍ കുറ്റാളൂര്‍ നന്ദിയും പറഞു.