ബിഷ: ഡയന ട്രക്ക് ക്യാബിന്‍ തുറന്ന് അറ്റകുറ്റ ജോലി ചെയ്തുകൊണ്ടിരിക്കെ ക്യാബിന്‍ സ്റ്റാന്‍ഡ് പൊട്ടി ദേഹത്തു വീണ് ക്യാബിനുള്ളില്‍ കുടുങ്ങി ബിഹാര്‍ സ്വദേശി മരിച്ചു. ബിഹാര്‍ ചാമ്പറാന്‍ സ്വാദേശി മുഹമ്മദ് അഫ്‌സല്‍ (53) ആണ് മരിച്ചത്. കൂടെ താമസിക്കുന്ന പാകിസ്ഥാന്‍ പൗരന്‍ ഫോണ്‍ ചെയ്തിട്ട് ഫോണ്‍ എടുക്കാതെ ആയപ്പോള്‍ ജോലി ചെയ്തിരുന്ന സ്ഥലത്ത് പോയി നോക്കിയപ്പോഴാണ് ക്യാബിനുള്ളില്‍ കുരുങ്ങി മരിച്ചു കിടക്കുന്നത് കണ്ടത്. ഉടനെ പോലീസില്‍ വിവരം അറിയിക്കകയും പോലീസും ആംബുലന്‍സും എത്തി മൃതദേഹം തബാല ഹോസ്പിറ്റലിലേക്ക് മോര്‍ച്ചറിയിലേക്ക് മാറ്റുകയും ചെയ്തു. നടപടിക്രമങ്ങള്‍ പൂര്‍ത്തിയാക്കി മൃതദേഹം ബിഷയില്‍ ഖബറടക്കും.

25 വര്‍ഷത്തോളം ജിദ്ദയില്‍ ജോലി നോക്കിയിരുന്നു. ജിദ്ദയില്‍ നിന്നും എസ്സിറ്റില്‍ പോയി പുതിയ കഫീലിന്റെ കീഴില്‍ ബിഷയില്‍ എത്തിയിട്ടു രണ്ട് മാസം ആകുന്നതേയുള്ളൂ. ഭാര്യ നാലു കുട്ടികളുമുണ്ട്. ജിദ്ദ കോണ്‍സുലേറ്റ് ccwa അംഗം അബ്ദുല്‍ അസീസ് പാതിപറമ്പന്‍ കൊണ്ടോട്ടി നിയമ നടപടി പൂര്‍ത്തി ആക്കാന്‍ സഹായവുമായി രംഗത്തുണ്ട്.