ദുബായ്: യു.എ.ഇയില്‍ സെപ്റ്റംബര്‍ മാസത്തേക്കുള്ള പെട്രോള്‍, ഡീസല്‍ വില പ്രഖ്യാപിച്ചു. പെട്രോള്‍ വിലയില്‍ നേരിയ വര്‍ധനവ് രേഖപ്പെടുത്തിയപ്പോള്‍, ഡീസല്‍ വിലയില്‍ കാര്യമായ കുറവുണ്ടായി. യു.എ.ഇയിലെ ഇന്ധനവില നിര്‍ണയ സമിതിയാണ് പുതിയ നിരക്കുകള്‍ പുറത്തുവിട്ടത്. സെപ്റ്റംബര്‍ 1 ഞായറാഴ്ച മുതല്‍ പുതിയ വില പ്രാബല്യത്തില്‍ വരും.

ഓഗസ്റ്റിലെ വിലയുമായി താരതമ്യം ചെയ്യുമ്പോള്‍ പെട്രോളിന് എല്ലാ വിഭാഗത്തിലും ഒരു ഫില്‍സിന്റെ വര്‍ധനവാണുള്ളത്. അതേസമയം, ഡീസലിന് 12 ഫില്‍സിന്റെ കുറവുണ്ടായി.

പുതിയ വിലനിലവാരം (സെപ്റ്റംബര്‍ 2025)

സൂപ്പര്‍ 98 പെട്രോള്‍: ലിറ്ററിന് 2.70 ദിര്‍ഹം (ഓഗസ്റ്റില്‍ 2.69 ദിര്‍ഹം)

സ്പെഷ്യല്‍ 95 പെട്രോള്‍: ലിറ്ററിന് 2.58 ദിര്‍ഹം (ഓഗസ്റ്റില്‍ 2.57 ദിര്‍ഹം)

ഇ-പ്ലസ് 91 പെട്രോള്‍: ലിറ്ററിന് 2.51 ദിര്‍ഹം (ഓഗസ്റ്റില്‍ 2.50 ദിര്‍ഹം)

ഡീസല്‍: ലിറ്ററിന് 2.66 ദിര്‍ഹം (ഓഗസ്റ്റില്‍ 2.78 ദിര്‍ഹം)