ജിസാന്: ജിസാന് മേഖലയില് ഇന്ന് കനത്ത മഴയ്ക്ക് സാധ്യതയുണ്ടെന്ന് സൗദി അറേബ്യയിലെ ദേശീയ കാലാവസ്ഥാ കേന്ദ്രം മുന്നറിയിപ്പ് നല്കി. ജിസാന് നഗരത്തിലും സബിയ, അബു അരിഷ്, അഹദ് അല് മസാരിഹ, അത്തുവല്, സംത, ദമ്മദ്, അല് ഹാരിത്, അദ്ദായര്, അര് റൈത്, അല് ആരിദ, അല് ഐദാബി, ഫിഫ, ഹറൂബ്, അല് ഫാതിഹ എന്നീ ഗവര്ണറേറ്റുകളിലും ഇടിയോടുകൂടിയ കനത്ത മഴയും ശക്തമായ കാറ്റും ഉണ്ടാകാന് സാധ്യതയുണ്ട്.
ഇടിമിന്നല്, ആലിപ്പഴം, പെട്ടെന്നുള്ള വെള്ളപ്പൊക്കം എന്നിവയ്ക്കും സാധ്യതയുണ്ടെന്ന് അധികൃതര് അറിയിച്ചു. കനത്ത മഴ കാരണം കാഴ്ചാ പരിധി കുറവായിരിക്കുമെന്നും മുന്നറിയിപ്പില് പറയുന്നു.
ഈ കാലാവസ്ഥാ സാഹചര്യം ഇന്ന് രാത്രി 9:00 വരെ തുടരുമെന്ന് കാലാവസ്ഥാ കേന്ദ്രം അറിയിച്ചു. പൊതുജനങ്ങള് ജാഗ്രത പാലിക്കണമെന്ന് അധികൃതര് നിര്ദേശിച്ചു.
Related News
