റിയാദ്: യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാന്റെ സൗദി സൗഹൃദ സന്ദര്ശനത്തിന് തുടക്കം. റിയാദിലെ കിങ് ഖാലിദ് രാജ്യാന്തര വിമാനത്താവളത്തില് എത്തിയ അദ്ദേഹത്തെ കിരീടാവകാശിയും സൗദി അറേബ്യയുടെ പ്രധാനമന്ത്രിയുമായ മുഹമ്മദ് ബിന് സല്മാന് രാജകുമാരന് നേരിട്ടെത്തി സ്വീകരിച്ചു.
അബുദാബി ഡപ്യൂട്ടി ഭരണാധികാരിയും ദേശീയ സുരക്ഷാ ഉപദേഷ്ടാവുമായ ഷെയ്ഖ് തഹ്നൂണ് ബിന് സായിദ് അല് നഹ്യാന്, പ്രസിഡന്ഷ്യല് കോര്ട്ട് ഫോര് സ്പെഷല് അഫയേഴ്സിന്റെ ഡപ്യൂട്ടി ചെയര്മാന് ഷെയ്ഖ് ഹംദാന് ബിന് മുഹമ്മദ് ബിന് സായിദ് അല് നഹ്യാന്, യുഎഇ പ്രസിഡന്റിന്റെ ഉപദേഷ്ടാവ് ഷെയ്ഖ് മുഹമ്മദ് ബിന് ഹമദ് ബിന് തഹ്നൂന് അല് നഹ്യാന്, സുപ്രീം കൗണ്സില് ഫോര് നാഷനല് സെക്യൂരിറ്റിയുടെ സെക്രട്ടറി ജനറല് അലി ബിന് ഹമ്മദ് അല് ഷംസി, നിക്ഷേപ മന്ത്രി മുഹമ്മദ് ബിന് ഹസ്സന് അല് സുവൈദി, പ്രസിഡന്റിന്റെ സ്ട്രാറ്റജിക് അഫയേഴ്സ് ഓഫിസ് ചെയര്മാനും അബുദാബി എക്സിക്യൂട്ടീവ് ഓഫിസ് ചെയര്മാനുമായ ഡോ. അഹമ്മദ് മുബാറക് അല് മസ്രൂയി, സൗദി അറേബ്യയിലെ യുഎഇ അംബാസഡര് ഷെയ്ഖ് നഹ്യാന് ബിന് സെയ്ഫ് അല് നഹ്യാന് എന്നിവരടങ്ങുന്ന പ്രതിനിധി സംഘവും പ്രസിഡന്റിനെ അനുഗമിക്കുന്നുണ്ട്.
Related News
