കൊല്ലം: ഓച്ചിറയില് കെഎസ്ആര്ടിസി ഫാസ്റ്റ് പാസഞ്ചര് ബസും ഥാര് ജീപ്പും കൂട്ടിയിടിച്ചുണ്ടായ അപകടത്തില് മൂന്ന് പേര് മരിച്ചു. ഏതാനും പേര്ക്ക് പരിക്കേറ്റു. ജീപ്പിലുണ്ടായിരുന്ന തേവലക്കര സ്വദേശികളാണ് മരിച്ചത്. ജീപ്പ് പൂര്ണമായും തകര്ന്നു. ഇന്ന് രാവിലെ ആറ് മണിയോടുകൂടിയായിരുന്നു അപകടം.
ചേര്ത്തലയിലേക്കുപോയ ഫാസ്റ്റ് പാസഞ്ചര് ബസും എതിര്ദിശയില് നിന്നുവന്ന ഥാര് ജീപ്പുമാണ് ദേശീയ പാതയില് കൂട്ടിയിടിച്ചത്. ബസിന്റെ മുന്ഭാഗവും തകര്ന്നു. ജീപ്പ് വെട്ടിപൊളിച്ചാണ് ജീപ്പിലുണ്ടായിരുന്നവരെ പുറത്തെടുത്തത്. ജീപ്പോടിച്ചിരുന്നയാള് ഉറങ്ങിപോയതാകാം അപകട കാരണമെന്നാണ് പ്രാഥമിക നിഗമനം. പൊലീസും ഫയര്ഫോഴ്സും സംഭവസ്ഥലത്തെത്തി രക്ഷാപ്രവര്ത്തനം നടത്തിവരികയാണ്. പരിക്കേറ്റവരെ അടുത്തുളള ആശുപത്രികളില് പ്രവേശിപ്പിച്ചു.
Related News
