മലപ്പുറം: നബിദിന ഘോഷയാത്രക്കിടെ മദ്രസ അധ്യാപകര്‍ക്ക് ഓണപ്പുടവ സമ്മാനിച്ച് കുടുംബം. മലപ്പുറം മേല്‍മുറി അധികാരത്തൊടിയില്‍ സുനില്‍ കുമാറും കുടുംബവുമാണ് ഉസ്താദുമാര്‍ക്ക് ഓണപ്പുടവ സമ്മാനിച്ചത്.

എല്ലാ വര്‍ഷവും സുനില്‍ കുമാറും കുടുംബവും നബിദിനത്തിന് മധുരം വിതരണം ചെയ്യാറുണ്ട്. ഇത്തവണ തിരുവോണവും നബിദിനവും ഒന്നിച്ചായതോടെ ഘോഷയാത്ര എത്തിയപ്പോള്‍ ഓണപ്പുടവയും നല്‍കുകയായിരുന്നു. ഉസ്താദുമാര്‍ക്ക് ഓണപ്പുടവ സമ്മാനിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായിട്ടുണ്ട്.